قليل من التفكير

Democracy Vs. People

2011-07-29T23:49:00.002+03:00

I don't believe in Democracy, I believe in people when they truly act as Thinking Creatures.

False flag attacks

2010-07-26T23:52:00.005+03:00

Corrupt political systems and dictators always use violence to control masses but they also may induce a kind of feigned violence to justify their agendas and to "identify themselves as heroes".

The following video is enlightening and revealing

حركة التاريخ

2010-03-04T17:43:00.003+03:00

حركة التاريخ ليست مجرد أحداث تتوالى يتلو بعضها بعضا دون عقل، حركة التاريخ في واقع الأمر لها فكر ولها عقل لأن حركة التاريخ وبما أنها حركة مجتمعات تبحث عن مصالح وتبحث عن أمن بالدرجة الأولى فهي لها عقل حتى وإن بدا في بعض المرات أن لا صلة منطقية تربط حادثا بالآخر - محمد حسنين هيكل

يا ليتني

2010-01-01T15:40:00.006+03:00

حتي لا يأتي يوم تدرك فيه انه كانت هناك فرصة حقيقية للتغيير قد أهملتها

حتي لا نقول يا ليتنا

ضمن حملة "خلي عندك صوت" علي الفاس بوك

And here is the rest of it.

Israel: Stop Crying Wolf

2009-12-29T12:50:00.002+03:00

Irrelevant

2009-12-23T02:23:00.001+03:00

In a world of botox, beauty is irrelevant.

A miserable combination

2009-11-17T02:07:00.005+03:00

What we see nowadays is the expected result of the miserable combination of corrupt political systems which see football only as a perfect way to keep people in their unthinking state, and societies that lost faith in its ability to make history, real history.

يلعن أبو الكوره

2009-11-16T00:54:00.002+03:00

بكل قرف بقول يلعن أبو الكوره علي أتحاد الكوره علي كأس العالم ... فعلا الواحد في اليومين دول حس أد أيه احنا متخلفين وهنفضل متخلفين لفترة لفترة مش قليلة

يا رب

They don't want your love

2009-06-21T16:22:00.002+03:00

http://www.sidewalklyrics.com/?p=746

Historical ties

2009-06-15T23:04:00.005+03:00

The only "Historical Ties" that do make sense.

A Simple Rule

2009-04-30T20:24:00.004+03:00

The more they bombarding them, the more they radicalizing them.

.

Born To

2009-04-12T19:29:00.004+03:00

.
We Were Born To Leave, So Why To Unpack.
.

أكلم مين ؟

2009-03-31T13:01:00.005+03:00

ولما أحب أكلم شعب مصر أكلم مين ؟؟؟؟

كلم مفيد شهاب

بس مش بزمتكو شخصية سكرة

Done by Israeli bulldozers

2009-01-26T00:27:00.005+03:00

A British channel correspondent Jonathan Miller made a report from Gaza describing situation there after the Zionist Brutal attack.

I just want to quote this part from his report.
"I've covered earthquakes, hurricanes and the tsunami and what has happened here is as bad or worse than anything I've seen in any of those. And this was done by Israeli bulldozers."

Gaza Massacre

2009-01-17T01:24:00.001+03:00

Gaza Massacre from Gaza Talk on Vimeo.

If Americans knew

if americans knew

2009-01-09T17:22:00.002+03:00

http://www.ifamericansknew.org

الي متي

2009-01-07T15:14:00.004+03:00

منذ حوالي أسبوع ومع بداية العدوان الصهيوني علي غزة كان أخي الصغير في كل مرة أفتح التلفاز لأتابع ما يحدث ويجد أن أرقام الشهداء في تزايد يقول علي سبيل المثال : "دول بقوا 230 شهيد .. كانوا الصبح 200 بس" وهكذا في كل مرة ... لدرجة جعلتني أقول له ذات مرة في حدة : " خلاص يا بني .. أعد ساكت "

أعتقد أن الذي جعلني أحتد عليه هكذا خوفي من أن نتحول الي ماكينات اليه وتتحول المسألة الي أرقام ومعادلات طرح وجمع تعرف منها عدد شهداء اليوم وكم كانوا بالأمس وأي الأيام كان الأكثر وحشية وايها كان الأهون علي أهل غزة ..

وللأسف أعتقد أن خوفي كان في محله.

لا لأعلم هل تتنظر الأنظمة العربية رقما معينا لعدد الشهداء تقوم عنده بالتحرك بشكل أكثر جديه لأنقاذ أهل غزة من الموت والدمار
أم أن هذه الأنظمة أساسا لأ تستطيع فعلا أي شئ سوي التنديد والشجب
أم أن هذه الأنظمة تنتظر اليوم الذي ستدرك فيها الشعوب أن الحل الوحيد هو تحرير بلادهم من أنظمة مستبده لا هم لها سوي الكرسي سواء كان هذا التحرير بشكل سلمي أم بشكل دموي تسقط فيه رموز هذه الأنظمة

اخص علي دا اعلام

2008-12-28T18:13:00.005+03:00

أخص علي ده اعلام ... وعلي ديه برامج

منذ يومين

2008-12-27T18:06:00.003+03:00

علي اليمين "قائد الضربة الجوية الأولي"
علي اليسار "جولدا مائير" الأصدار الأخير

مش عارف ليه بقيت حاسس ان الصهاينة بقوا بياخدوا الأوامر مننا

ولاحول ولا قوة الا بالله

Cartoon

2008-11-21T22:48:00.003+03:00

الحمد لله علي نعمة الدم

2008-11-02T23:08:00.003+03:00

أكيد نعم ربنا علينا لا تحصي ولا تعد

وأكيد أهم نعمة ربنا من بيها علي كمسلم هيا نعمة الاسلام وكفي بها نعمة

من كام يوم وقع في أيدي ما يسمي بجريدة الأهرام ولاقيت فيها مقال أسامة سرايا اللي دايما بيفكرني بفيلم أرض النفاق و قريت أخر جزء من المقال

لما قرأت الجزء ده قلت في نفسي : الحمد لله علي نعمة الدم ...
اللهم لا تحرمنا منها

شقة لكل متضرر

2008-09-07T19:58:00.007+03:00

بعد حادث الدويقة

شقة لكل متضرر ... أم مدفن لائق لكل جثة

"وقد أعلن الدكتور عبد العظيم وزير محافظ القاهرة قيام المحافظة بتوفير وحدة سكنية لكل أسرة من متضررى حادث الدويقة"

بعد ما الناس وقع عليهم الجبل هيدوهم الشقق

ربنا يرحمهم
.

كلاكيت

2008-06-08T13:55:00.005+03:00

كلاكيت تالت مرة

كلمتين وبس

2008-06-06T01:06:00.007+03:00

1

أنت المتصهيين الجديد

علي وزن أنت الكلب الكبير

العلمانية خطر علي الحرية

المحكمة الدستورية التركية تلغي قانونا يسمح بالحجاب في الجامعات
.

مسيرتنا

2008-05-26T22:13:00.006+03:00

لن نسمح لقوي الظلام بايقاف مسيرتنا

جزء من كلمة الدكترة أحمد نظيف اليوم في مجلس الشعب وطلبه تمديد العمل بقانون الطوارئ
.

بوش العقائدي في بلاد ... الحرمين

2008-05-16T21:08:00.012+03:00

بالأمس أستمعت الي أخر جزء من خطبة المدعو بوش في الكنيست الصهيوني فاذا به وكأن حاخام يهودي يتكلم ... كلام عن الأرض الموعودة ... وقصة غبية عن جندي بريطاني وحديث دار بينه وبين حاخام يهودي

Sixty years ago, on the eve of Israel's independence, the last British soldiers departing Jerusalem stopped at a building in the Jewish quarter of the Old City. An officer knocked on the door and met a senior rabbi. The officer presented him with a short iron bar the key to Zion Gate and said it was the first time in 18 centuries that a key to the gates of Jerusalem had belonged to a Jew. His hands trembling, the rabbi offered a prayer of thanksgiving to God, "Who had granted us life and permitted us to reach this day." Then he turned to the officer, and uttered the words Jews had awaited for so long: "I accept this key in the name of my people."
..

فما سمعته لم يكن خطاب سياسي لرئيس دولة وأنما حديث لشخص يريد أن يؤكد أن ما يعتقده هو ما يعتنقه المخاطب (الصهاينه في هذه الحالة) ...

الكلام أكيد يفهم منه أن هذه البقعة من الأارض لليهود وليست لغيرهم حتي ولو أقتضي ذلك قتل الألاف وتشريد الملايين من سكان أصحاب الأرض الأصليين وحتي ولو أقتضي ذلك تهوييد المقدسات وأقتلاع التاريخ.

هذا بالأمس أما اليوم فاذا بي أراه يصل الي الرياض في ضيافة النظام السعودي.

كيف يستقبل نظام يقوم علي رعاية أقدس موقعين عند المسلمين من بالأمس كان يقول أن ثالث أقدس مكان عند المسلمين هو حق لليهود بموجب وعد الرب لهم ؟

لمن لم يكتفي بهذا القدر من الأستفزاز ... خطبة المتصهين بوش هنا
.

تحديث :
طبعا من السهل توقع الي أين ذهب هذا المتصهين بعد السعودية وأي نظام أستقبله

للأسف

2008-05-12T15:22:00.013+03:00

للأسف الشنيع سويداد ريال هوا اللي فاز بالبطولة
(دوري أبطال أوروبا لكرة اليد)
ا

Ciudad Real

لكن بصراحة كييل لم يستحق علي الأطلاق الفوز بالمباراة وأضاع البطولة في نصف ساعة

Kiel

تحديث :
بالأمس فاز كييل بلقب الدوري الألماني الممتاز

فيلم عن المدونين

2008-04-30T00:04:00.008+03:00

ستعرض قناة الجزيرة اليوم الأربعاء بعد حصاد اليوم فيلم وثائقي عن التدوين والمدونين.

لكن هذه المرة في الأغلب أنه ليس مخصوصا بالتدوين في مصر ( كالذي عرضته منذ سنتين ) وانما سيكون عن المدونين العرب عموما

مشاهدة طيبة

تحديث :

بعد حوالي الساعتين سيتناول برنامج ما وراء الخبر دعوة المدونات المصرية لاضراب عام في يوم الرابع من مايو

سيناء وأحوال مصر

2008-04-25T17:27:00.006+03:00

بمناسبة عيد تحرير سيناء (اليوم الذكري ال 26 لتحريرها) تذكرت قصة لدكتور قالها أثناء محاضرة ...

وهي أنه مرة كان في سيناء وأثناء حديثه مع أهلها (في الغالب بدو ) سئلهم عن الرعاية الصحية التي تقدم لهم والفرق بينها وبين الفترة التي كانت سيناء فيها محتلة
فقالوا له : "كانت الست عندنا لما بتيجي تولد تيجي طيارة هليكوبتر مخصوص تاخدها لتل أبيب تولد ولما تستريح الطيارة تجبها تاني"

طبعا الصهاينة كانوا لا يفعلوا هذا لطيبة قلوبهم وانما لكسب ولاء البدو

حين تذكرت هذه القصة وقارنت بين هذا وبين المستوي الحالي لمختلف الخدمات صحية كانت أم تعليمية أم أكلييه (من الأكل ) في كل مكان في المحروسة

قلت في نفسي :
أكيد البدو في سينا دلوقتي بيقولوا ... فين أيامك يا أسرائيل

وصباح الخير يا سينا

جوجل العربي

2008-04-22T17:00:00.010+03:00

هل هذه محاولة من جوجل للظهور بمظهر المحايد

تحديث وتوضيح :

كنت أظن أن المناسبة التي جعلت جوجل يضع هذه الصورة هو يوم الأرض الفلسطيني ...

ولكن أكتشفت أن ذكري يوم الأرض في فلسطين يكون في شهر مارس وأن المناسبة الحالية ( 22 أبريل ) هي يوم الأرض العالمي.

صورة للنسخة الأنجليزية

الغريب ان من حوالي ست ساعات دخلت علي صفحة في الويكيبديا ظهرت في الصفحة الأولي للبحث عن "يوم الأرض" وكانت عن يوم الأرض الفلسطيني (وهذا ما جعلني أكتب هذه التدوينة مستغربا أن يكون جوجل مهتم بمناسبة مثل هذه) ... الأن نفس الصفحة أصبحت عبارة عن صفحة تحتوي رابطين واحد ليوم الأرض العالمي والأخر الفلسطيني .

شئ أخر بعد أن كانت هذه الصفحة هي النتيجة السادسة أو الخامسة في البحث الأن أصبحت هي الأولي (النتيجة الأولي كانت صفحة علي موقع اسلام ويب بالطبع كانت عن يوم الأرض الفلسطيني) .

وكأن جوجل وجد أنه بدل أن ينبه مستخدميه الي يوم الأرض العالمي وجد أن النسخة العربية منه يوجه المستخدمين الي شئ هو أبعد عن أن يريده فغير سريعا في ترتيب نتائج البحث

فعلا يجب الأعتراف أني طلعت عبيط

وأن الحداية ما بترميش كتاكيت

Tzipi livni

2008-04-16T18:29:00.010+03:00

.

أنتوا ما بتجوش ليه ؟؟؟ مش تبقوا تيجوا
ده حتي تل أبيب تنور

أقرأ هنا
و هنا

اللي بعده

.

خمس سنوات

2008-04-09T16:28:00.004+03:00

لبغداد ... من قلبي سلام لبغداد

من بغداد للمحلة الكبري

2008-04-08T17:28:00.010+03:00

.
بغض النظر عن رأيي ... وهو أن الرعاع والبلطجية دخلوا علي الخط
دخلوا أزاي وليه وبأوامر من مين الله أعلم

ولكن هذه المشاهد و الصور تذكرني بشئ

الصور من مدونة د ممدوح المنير

وأيضا

هنا

عن القمة العربية

2008-03-31T18:53:00.016+03:00

أعتقد أن الجميع لاحظ تجاهل القنوات المصرية التابعة للنظام المحتضر لوقائع القمة العربية
تجاهل يشعرك وكانها قمة لرؤساء القبائل المنغولية ولا تهمنا في شئ

علي سبيل المثال أنظروا للقنوات المحلية ماذا كانت تعرض أثناء أنعقاد جلسة الأفتتاح

مثلا قناة النيل للأخبار (واخد بالك من كلمة أخبار) كانت تناقش موضوع مازال الشاغل الأكبر للمصريين ... موضوع يهم كل الشعوب العربية من المحيط الي الخليج

أما القنوات الأخري

فأغلبها كان مشغولا بالأحتفال بالذكري الهامة للعندليب الأسمر

القنوات السعودية الفضائية هي الأخري كانت في عالم أخر

اذا فالمقاطعة - وهو تعبير أكثر مصداقية من تعبير التمثيل المنخفض - كان علي المستوي الأعلامي أيضا ...

أما حجة البلدين ( أو النظاميين ) من المقاطة فهو الدور السلبي التي تلعبه سوريا في لبنان .. والذي يؤدي الي تأخر الأتفاق علي أختيار رئيس .. مما يزيد الوضع السياسي في لبنان تعقيدا .. والذي يترتب عليه أن يزيد الجو أحتقانا .. ويجعل نشوب حرب أهلية جديدة فيه أمر وارد.

يعني لفة عجيبة غريبة .. لا ولن تقنع أحد عن جدوي زيادة الفرقة بين الدول العربية في وقت هم أشد حاجة فيه الي التعاون والأتحاد.

المفارقة الغريبة أن هناك دولة عربية قد تم غزوها وأحتلالها وقتل مئات الألاف من أبنائها وتشرييد الملايين وتعذيب المئات وتدمير تاريخها وتراثها وتدمير جميع مؤسساتها ... كل هذا تم علي يد دولة هي الولايات المتحدة ومع ذلك فالنظام المصري والسعودي لم أسمع في يوم أن واحد منهما قد قاطع أجتماعا أو أعتذر عن حضور قمة مع أمريكا .

بل علي العكس النظام المصري يعتبر علاقاته مع أمريكا مسألة أمن قومي.

والنظام السعودي علاقاته مع أمريكا علاقة أكثر من رائعة

السؤال اذا هو :
من أولي بالمقاطعة ووضعه في خانة العدو ؟؟؟؟

تحديث : بالمرة نقول نتيجة التصويت
هل ستتمكن مصر من مقاضاة الأمريكيين المسئولين عن قتل الصياد المصري في قناة السويس ؟
بالطبع نعم 1
نعم 0
لا 4
بالطبع لا 13
لا أدري 1

وطلبي لمن صوت ل بالطبع نعم ... أن يوضح لنا وجهة نظره المتفائلة هذه

ولنا مع كلمة القذافي في القمة حديث
ان شاء الله

نصيحة للضلع الثالث

2008-03-26T16:29:00.013+03:00

يوم الأثنين أعلنت السعودية أنها ستمثل في قمة دمشق بمندوبها الدائم لدى الجامعة العربي ...

واليوم أعلنت مصر أن وزير الدولة للشؤون البرلمانية والقانونية مفيد شهاب سيترأس وفدها إلى القمة ...

وبهذا يتبقي العضو الأخير ( أو هندسيا الضلع الأخير ) من مثلث الأعتدال* ( الأنهزام والتبعية ) وهو الأردن ليعلن عن مستوي تمثيله في القمة العربية

ونصيحتي لهو أن لا يكون مستوي تمثيله رفيع كتمثيل مصر والسعودية وأن يكتفي بأن يمثله في هذه القمة المرتقية أي موظف من السفارة الأردنية في واشنطن

واللبيب من بالأشارة يفهم

مثلث الأعتدال ( مصر- السعودية -الأردن) هو مصطلح أستخدمه الساسة الأمريكان وعلي رأسهم السيدة والأخت الفاضلة ( أختهم هم طبعا ) كوندليزا رايس لوصف مصر والسعودية والأردن كمحور ضد ايران بالدرجة الأولي

أمريكي وده من صربيا

2008-03-24T19:02:00.011+03:00

أمبارح كنت بتفرج علي نهائي بطولة إنديان ويلز

وكان بين اللاعب الصربي ديكوفيتش ..
ولاعب أمريكي مغمور أسمه ماردي فيش (ماردي ومبسوط)
ا

المهم والدتي بتقوللي هو ده جنسيته ايه ؟
قولتلها ده أمريكي

قالت يارب يتغلب ... طب والتاني
قولتلها من صربيا

فردت بمثل شعبي معروف في مصر ...

وسأتركك مع قليل من التخمين لمعرفة ما هو هذا المثل

- . - . - . - . - . - . - . - . - . - . - . - . - . - . - . - . - . - . - . - . - . - . - . - . -

اليوم كان فيه نكته جميلة قوي سمعتها في الاخبار
وهي ان اللي هيمثل السعودية في القمة العربية ( واخد بالك أنت من كلمة قمة ) هو سفير السعودية لدي الجامعة العربية.

مش عارف بصراحة ليه لما سمعت الخبر ضحكت
بس ما أعتقدش أن أنا الوحيد

وداعا

2008-03-22T19:32:00.003+03:00

او تي في ... وداعا للغة العربية

A land without a people

2008-03-13T00:56:00.005+03:00

.
.
.

.
.

Israel policy ....

2008-03-08T01:00:00.005+03:00

Israeli policy
سياسة أسرائيل

صورة الشهيد

.

ما هو مركز "هاراف بيشيف" اليهودي

.
وصف للمدون نضال عن زيارته للمصابين من قطاع غزة في مستشفي الهرم هنا
.

ان تكونوا تألمون

2008-03-07T01:18:00.008+03:00

.أهل واحد من الجنود الصهاينة اللي ماتوا خلال التوغل من أسبوع

عملية استشهادية كبيرة في القدس: 8 قتلى على الأقل وعشرات الجرحى في صفوف الصهاينة
هنا

ونفاق ال سي ان ان وازدواجية المعايير هنا

أمبارح رفعت الفيديو اللي يوتيوب مسحه علي موقع تاني هو ميتا كافيه

والنتيجة في الصور
.
.

Gaza

2008-03-03T18:25:00.013+03:00

ملحق للتدوينة السابقة

بما أن موقع يوتيوب (المتصهين الجديد ) مسح الفيديو اللي كنت حاط لينك ليه في التدوينة السابقة نظرا لان الفيديو زاره عدد كبير من الناس ما أزعج الصهاينة ...

لذا فان صاحب الفيديو قام برفعه مرة أخري

Gaza_massacre_feb2008
Uploaded by sabbahblog

تحديث بسيط

شغال دلوقتي علي القناة الاولي تسجيل لتكريم سيادة الريس للمنتخبات بتاعتنا للي عايز يلحق ويتفرج

والله اللي ...... ماتوا

أبشروا يا مصريين ... لقد تدخل شخصيا لحل مشكلة تؤرقكم

Gaza Massacre

2008-03-02T02:07:00.006+03:00

ديه حجات لاقتها علي النت دلوقتي عن المجازر اللي بتحصل في غزة

وأكتشفت أن حجات زي ديه مؤثرة جدا علي الناس في الخارج وممكن تؤثر في رأيهم عن اللي بيحصل

ورأيي أن بما أننا مش قادرين نعمل حاجة علي الاقل لما ندون نحاول نشارك ولو بتدوينة بسيطة مثلا عن قصة من غزة أو فيديو أو مقالة

from RAFAH TODAY

Dear Friends,

I had a long day, an awful day, taking photos and writing from on the ground in Gaza City and northern Gaza. I met with two children who survived Wednesday’s Jabalyia soccer bombing: the other 4 kids were, as you likely know, killed. One of the children I saw had no flesh on their legs, had burns all over their bodies from the tank’s shelling. This was one of the scariest things I have seen yet, and I have seen a lot more than that.
(complete it here)

3
from Sabbah's Blog

Israel claims that it doesn’t murder innocent civilians deliberately. But this is a big, obscene lie, of which even most Israelis are aware. Mistakes happen a few times, but when the wanton slaughter of children occurs each day and every day of the year, it means it is policy.(complete it here)

بدون تعليق

2008-03-01T15:46:00.012+03:00

رسالة لأحد المصريين العباقرة علي شريط رسائل قناة النيل للرياضة : 6\10 = 10\2 بالنسبالي كمصري واحد

المالكي يدعو أردوجان إلى احترام سيادة الأراضي العراقية

قال مصدر رسمي عراقي أن القضاء أصدر حكما بالإعدام على ستمائة شخص وصفوا بالإرهابيين بعد إدانتهم بقتل الكفاءات العلمية في العراق.
وأوضح المتحدث الرسمي باسم وزارة الداخلية اللواء عبد الكريم خلف في تصريحات صحفية أنه تم تنفيذ الحكم فعليا بحق مائتين منهم حتى الآن.

مصرع فتاة مصرية عمرها 14 سنة برصاص قوات اسرائيلية علي الحدود المصرية إثر اطلاق نار من الجانب الإسرائيلي حيث إنطلقت رصاصة من برج مراقبة إسرائيلى إلى رأس الفتاة.
يذكر أن ابن عم الفتاة قد توفي في وقت سابق الشهر الماضي برصاص القوات الاسرائيلية.

تعليق بسيط : فين بقي البطل الهمام اللي كان بيهدد بكسر الارجل والعظام وصاحب الرؤية التحليلية للصراع الكاريكاتوري ... أكيد محدش هيسمعلك صوت دلوقتي يا سيادة الوزير الشجاع
وعلي فكرة الخبر في القنوات المصرية كان بيعدي علي شريط الاخبار بحيث يوهم أن مصدرالرصاص مجهول .. يعني حتي
الخبر مش عايزيين يقولوه صح

5

أتهم الرئيس الفلسطيني محمود عباس حماس بالمسؤولية عن «إدخال» تنظيم القاعدة إلي غزة، معربا عن اعتقاده بوجود «تحالف» بين الطرفين

في حوالي أربعة أيام فقط أستشهد أكثر من ستين (أصبحوا بنهاية يوم السبت ثمانيين) فلسطيني نسبة كبيرة منهم من الاطفال ...
ورغم ذلك فالعالم العربي في غيبوبة غريبة

7
Ben Gurion : If Israel loses one war it will be the end.
بن غوريون : إسرائيل تخسر حرب واحدة اذا فهي النهاية
.

عايز نصيحة

2008-02-19T22:57:00.003+03:00

بصراحة مع ان الموضوع تافه ومش مستاهل أساسا ان انا اعمل عليه تدوينة ... بس وجدت انها فرصة للنقاش

وبعد ما كتبت اشرح الحكاية .. فضلت اني اضع رابط وبس

هنا

بعد ما تدخلوا الصفحة ديه لو سمحتوا قولوا رأيكوا أرد ولا أعتبر أني مشفتش حاجة أحسن

في أنتظار ردكم

And here is the rest of it.

مرحي

2008-02-17T23:41:00.005+03:00

.

.

مرحي ... رغم أن في الامر إن

ملف فلاش من موقع قناة الجزيرة ( كوسوفو .. الطريق نحو تقرير المصير)
ا

أهلا بعيد التافهيين والتافهات

2008-02-14T20:15:00.007+03:00

عيد الحب او الفالنتيين بالنسبالي المناسبة السنوية الاهم للناس التافهة والعالم الفاضية انهم ينففعوا محلات الهدايا

عيد الحب بالنسبالي هوا أكتر يوم هتشوف فيه طلبة الثانوي اللي مزوغيين من المدرسة وكل عيل ماشي وهوا ماسك أيد البت بتاعته (أو ما تسمي الموززة في مصطلحات الافلام المصرية الهابطة).

عيد الحب بالنسبالي أكتر يوم في السنة اللي هتسمع فيه جمل كتير من نظير .. أنا رايح أقابل صاحبتي انهارده .. أنا هروح أجيب هدية للبت بتاعتي .. الي أخره .

عشان كده عيد الحب أعتبره عيد التفاهة بجدارة .

غير كده لو بصيينا من الناحية الشرعية فيه حديث نبوي يقول :
عن النبي صلى الله عليه وسلم قال : ( لتتبعن سنن من كان قبلكم شبرا بشبر وذراعا بذراع حتى لو دخلوا جحر ضب تبعتموهم ، قلنا يا رسول الله: اليهود والنصارى ، قال : فمن؟ ). ا

أعتقد الحديث الشريف مينفعش الواحد يقول بعديه حاجة تانية لانه كافي جدا

أراء بعض العلماء .موقع اسلام اون لاين

بحبك يا ستموني

2008-01-29T00:22:00.000+03:00

بحبك يا ستموني مهما الناس لاموني

1

2

3

وردي عليهم

And here is the rest of it.

الدعاية النازية ضد اليهود

2008-01-26T21:51:00.000+03:00

هده واحده من المطبوعات النازية ضد اليهود كانت توزع في البلاد التي يدخلها الالمان في الحرب العالمية الثانية للتحريض ضدهم .

معني الكلام المكتوب اليهود عدوي للبشر .
"The Jew is an infection to the people"

كل اللي بيحصل دلوقتي ومن ستين سنة يدل علي ان النازيين دول كانوا بيفهموا .

يمكن التعديل الوحيد اللي الواحد يعمله علي البوستر انه يكون مخصوص باليهود الصهاينة فقط وليس أي يهودي ... لان علي سبيل المثال فيه منظمات يهوديه في أوروبا معادية لاسرائيل و تري أن أسرائيل هي أكبر خطر علي اليهود واليهودية

مبروك يا رجالة

2008-01-18T00:11:00.000+03:00

مبروك لمنتخب اليد الجدع قوي

اللي برغم الفرق الكبير في الشوط الاول لم يفقد الامل ولعب في الشوط الثاني برجولة كبيرة

بجد لاعيبين يستحقوا التقدير و الفوز بالبطولة

And here is the rest of it.

كانوا ... وكانوا ... وأصبحوا

2007-10-07T06:34:00.001+03:00

في 67 كانوا قاعدين بيسمعوا الست علي الراديو

في 73 كانوا بيقولوا الله أكبر وهما شايلين سلاحهم

تحديث

بعد ما كان عنوان التدوينة كانوا وكانوا .... قلت أعمله كانوا وكانوا وأصبحوا وذلك لوصف حالنا اليوم

و في وصف حالنا اليوم لا أعتقد أن هناك وصف أبلغ من هذه الكلمات للاعلامي غسان بن جدو والتي أفتتح بها هذه الحلقة من برنامج حوار مفتوح
وكان عنوان الحلقة : النظرة إلى إسرائيل بين 1973 و 2007

هنا

أو

Aljazeera : October War 1973 - The most amazing home videos are here

أفتح يا وليد .. ده رئيس الوزرااا

2007-10-05T22:49:00.000+03:00

افتح يا وليد
افتح يا وليد ده رئيس الوزاا
يا ولاااااد ال .....

قالها ضابط الشرطة العسكرية اللي كان واقف جنبي ( أو اللي كنت واقف جنبه )في جهاز اللاسلكي وانا واقف بتفرج علي الجنازة اللي كانت في مسجد القوات المسلحة انهارده

And here is the rest of it.

رئيس لزقة

2007-09-26T23:47:00.000+03:00

حد عمره شاف رخامة ولزقة زي كده

الراجل الغريب بتاع باكستان ده تنح قوي

قرأت في موقع البي بي سي الخبر ده عنه :
أبلغ المدعي العام الباكستاني مالك محمد قيوم المحكمة العليا بباكستان بأن الرئيس برفيز مشرف سيحتفظ بقيادة الجيش إذا لم يتم انتخابه لولاية رئاسية جديدة.

يعني انا قاعد علي قلبكوا و قلب اللي خلفوكوا يا شعب ويا انا يا انتوا

فحتي لو انتخبتونيش ريس انا وراكوا وراكوا ومش هسيب رياسة الجيش عشان اعمل انقلاب عسكري تاني علي الرئيس اللي هتنتخبوه

فكرني بالمواقف الطفولية لما العيال الصغيرة مترضاش تخلي واد ما بتحبوش تلعب معاها ...فيقوم هوا ببلطجة يقول...هلعب يمافيش لعب

نفس الحكاية .... كأنه بيقول لشعبه : هحكم يمافيش حكم

زعماء أخر زمن

ملحوظة : عنوان التدوينة كان رئيس بالعافية .. بس خفت لحسن الالف واللام ما يتشافوش واتاخد في أبو نيكلة بتهمة الاضرار بلاقتصاد والبورصة وتشويه سمعة مصر ومساعدة الهكسكوس في دخول مصر

تحديث : من موقع قناة الجزيرة 28/09/2007
سمحت المحكمة الباكستانية العليا للرئيس برويز مشرف بخوض انتخابات الرئاسة المقررة الشهر المقبل مع احتفاظه بمنصبه قائدا للجيش، في إجراء يمثل صفعة للمعارضة الباكستانية الساعية لمنعه من الفوز بولاية ثانية

تحديث : من موقع قناة الجزيرة 02/10/2007
عين مشرف قائد المخابرات السابق أشفق كياني خليفة له في قيادة الجيش، في حالة فوزه بالانتخابات الرئاسية المقرر إجراؤها السبت المقبل.
وقال مسؤول بالجيش إن الجنرال أشفق كياني عين نائبا لرئيس هيئة الأركان بالجيش، مضيفا أنه "سيتولى منصب رئيس هيئة الأركان إذا أصبح هذا المنصب شاغرا".

ايه ده يا جدعان هيا لعبة الكراسي الموسيقية ولا ايه

تقاطع الحمير

2007-09-26T23:05:00.000+03:00

حد سمع قبل كده عن مبدأ تقاطع الحمير

بجد مش تهريج ... ده مبدأ محسوس حولنا في حجات كتير

علي العموم ده مبدأ أفتكرته (أو بمعني أصح افتكسته ) لما شوقت الكاريكاتير ده من جرنان المستقبل اللبناني

أنا بقالي بصراحة فترة كبيرة محتار من المالكي ده ازاي شغال لامريكا ولايران في نفس الوقت
عنده مثلا انفصام شخصية
ولا نظام العملاء المزدوجيين بتوع المخابرات

لحد ما الكاريكاتير ده انقذني ونبهني لحاجة

انه حتي ولو كان فيه كيانات سياسية متصادمة ... فأكيد نفس الكيانات ديه بينها ولو يعني شكل أو أخر من أشكال تقاطع المصالح

وفي الحالة اللي احنا امامها فان نقطة التقاطع ممثلة في نوري المالكي هيا بلد بحاله
بلد امبراطورية التدمير الامريكية لغت اسمه من علي الخريطة ومسحت باستيكه حضارته وتاريخه... وفي نفس الوقت ده اعطي فرصة كبيرة لعدو امريكا اللدود ايران للتغلغل في كل نواحي الحياه في البلد المنتهي لدرجة ان فيه اماكن في العراق أصبحت لدرجة ما تابعة اداريا لايران.

العراق دلوقتي بقي عبارة عن شاي بلبن أمريكي ايراني والحمد لله
والعرب نايمين في غيبوبة..

والغريب ان نفس الكيانين دول داخلين في صراع حقيقي (مش تقاطع مصالح ) في حاجة تانية والعرب للاسف داخلين فيه ( فايقين هنا نايمين هناك )

فالعرب مع انهم سايبين ايران في العراق... تلاقي امريكا بتوزهم ضد ايران وتخوفهم من مشروعها النووي

وكأن امريكا بتقول للعرب :
سيبوا ايران وملكوش دعوه بيها في العراق اهو بتكمل معايا تدمير البلد عشان نجيبه علي البلاط في أقرب وقت ممكن
وبستك عليها في حكاية الملف النووي لحسن حبيبتكوا وحبيبة الملايين اسرائيل قلقانة شويه فياريت تساعدوها ينبكوا ثواب

كان المفروض الرسام رسم بدل الحماران وحشان كان هيبقي الرسم أكثر واقعية

And here is the rest of it.

اضرابات × اضرابات

2007-09-25T00:03:00.000+03:00

هيا البلد بيحصل فيها ايه

بالصدفة (بما اني مش متابع اليومين دول اي اخبار سواء في مصر او بره) لاقيت علي الجزيرة تقرير عن عودة الاضرابات في مصانع المحلة وان العمال المرة ديه استولوا علي مصنع ومش ناويين يفكوا الاضراب الا ما يخدوا حقهم.

المهم قعدت ادور علي الحكاية ايه الخبر
علي الجزيرة علي العربية علي المصريين

المهم أنا مش عايز انقل خبر وخلاص
هوا فيه كذا حاجة لاحظتها

اكتر حاجة يمكن شدتني في الكلام اللي قرأته تصريح لوزير الاستثمار بيقول ايه «لن يحصل عامل علي حقه بلي الذراع»ا

طيب يسعادة حضرته البيه اديك قولتها بلسانك .....حقه

يعني الناس ديه عايزها حقها وبس مش بلطجية يعني

وكمان يعني هو النظام ما سبش للناس غير الطريقة ديه عشان تاخد حقها

يعني لو ما عملوش كده ...والله ولا حد هيسأل فيهم ولا هيعبروهم

وكمان علي فرض ان اللي العمال بيعملوه اسموه بلطجية

ما أعتقدش أنه حاجه من أختراعهم ..لا ده منتج حكومي وليه حقوق ملكية كمان

يعني اللي بيته من ازاز ما يحدفش الناس بالزلط.

حاجة تانية

دخلت علي الاخبار أشوف الجرايد بتاعة الحكومة ديه بتكتب ايه عن الحوار ده لاقيت في وشيي الخبر ده.

يعني زي ما كنت متوقع ان الاقيها كاتبه

الاقتصاد ميت فل وعشرة..... وكله تمام والامن مستتب ....والاصلاحات شغالة
حتي شوفوا البنك الدولي الطيب اللي كل همه انه يساعد الدول الصغيرة والفقيرة ومش بيحاول يساعد أمريكا والغرب في الهيمنة علي الشعوب ...هوا نفسه بيقول كده.

حاجة تالته

بالصدفه برضه لقيت علي موقع الاهرام الخبر ده

لا بجد الراجل يشكر ... باله مشغول بالبلد وشئونها حتي الرياضه

بس هل يا تري عمل حاجة للناس اللي معتصمين دول بالالوف وبيقولوا انهم مش لاقيين يأكلوا ولادهم.

حد هيرد عليا ويقول : لا يا عم الحج اكيد عمل دا قلبه كبير ويساع ملايين .. عيب عليك.

والله اتمني يكون كده فعلا

الي أرض الطمانينة و الراحة

2007-09-06T15:02:00.001+03:00

أنا مسافر ان شاء الله السعوديه لاداء العمرة شكلي مش هلحق رمضان في مكة .. بس ان شاء الله هقعد اكتر من يوم في المدينة

ربنا يسهل ويوعد الجميع بالرحلة الايمانيه .....

الجيش اللبناني

2007-08-20T22:23:00.000+03:00

امبارح كان فيه خير كده ان الجيش اللبناني استخدم قنابل وزنها 400 كيلوجرام لقذف مواقع فتح الاسلام

الخبر استغربت منه في عدة اوجهه
ازاي جماعة مكونة من 100 ولا 200 واحد ..جيش نظامي مش قادر عليها من يجي كام شهر ..حتي لو الجيش ده قدراته محدوده

حاجة تانية اهم استغربتلها ..وهو ان القنابل وطيارات الهليكوبتر ديه كانت فين السنة اللي فاتت لما جيش الكيان السرطاني كان بيدمر لبنان

وافتكرت تقرير شوفته علي اليوتيوب متسجل من قناة نيوتيفي (اللي اكيد تبع حزب او تيار في لبنان زي اي قناة عندهم) التقرير بيتكلم عن جنود لبنانيين بيقدموا القهوة للجنود الاسرائيليين ايام الحرب

بس برضه انا فاكر في ايام الحرب لما الواحد قعد التلاتين يوم دول ادام الدش يتابع الحرب ...كان فيه شهداء كتير من الجيش اللبناني..

يعني مش معني كلامي اللي فات اني بقول ان الجيش اللبناني عميل او ملهوش لزمة ...
بس هيا مجرد افكار جت في دماغي

محمد زيدان في هامبورج

2007-08-19T17:59:00.000+03:00

دلوقتي فيه ماتش بين هامبورج وليفركوزن في الدوري الالماني

ومحمد زيدان بيلعب اساسي

بصراحة ما فيش وقت احط صورة ليه عشان دا خلاص الماتش شكله بدأ

سلالالالالالالالالام

أسئلة في السريع ؟؟؟؟؟؟؟

2007-08-16T13:53:00.000+03:00

كام سؤال كده سؤال في السريع :

هوا رجل الشرطة اللي بيكون حاطط تلات شرط ده رتبته ايه ؟؟؟؟؟؟
اصل كنت بعمل جواز سفر وكان فيه واحد زيه كده شايف نفسه قوي وعمال يكلم الناس اللي بتعمل جوازات بطريقه مش حلوه مع انهم ناس شكلهم يقول انهم محترمين يعني ممكن يكون منهم دكتور ولا استاذ جامعي ولا مهندس ولا تربوي ولا اي حاجة ...مش سوابق يعني
يعني المفروض حتي لو لواء يكلم الناس بطريقة كويسه - اعتقد دا الحال في اي بلد محترم -
لا وايه مع ان المكان مغلق بس ماسك السجارة وشغال قشطة
يا عم الحج المفروض انك بتطبق القانون ولا بتخالفه؟؟؟؟؟ - ده سؤال ثااني-

سؤال ثالث :
هوا كل واحد في ام البلد ديه بيمشي شغله المسئول عته بمذاج اللي خلفوه ولا ايه ؟؟؟؟

من فترة كنت روحت القسم اجيب استمارة عمل جواز السفر
لاقيت الست المتوظفة بتقوللي وهيا بتكلمني بقرف كده : انت لازم يكون ورقك جاهز الاول
قولتها : ازاي وانا واخد لوالدتي استمارة من المدام اللي جانبك امبارح من غير ما تقوللي الورق جاهز
قالت : انا بمشي شغلي كده وعايزاك تطلع بره ( بنت ال ...)ا
انا بصراحة قلت يمكن فعلا هوا النظام كده والمدام التانية المفروض ما كانتش تديني الاستمارة كده قبل ما الورق يكون كامل

انهارده بقي رحت مجرد ما قلت لضابط او امين شرطة محترم كده واقف انا عايز استمارة لجواز السفر اداني الاستمارة علطول ولا فين ورقك ولا حاجة

يعني من الاخر في البلد ديه مصالح الناس بتمشي بمزاج اللي ماسكها وانت ولا عارف ايه النظام ولا مين الشغال مظبوط ومين لا

عشان بس ما كونش بعمم اكيد في كل مكان فيه ناس محترمين بيقوموا بشغلهم كويس من غير ما يطلعوا عين الناس

تصويت عن التعذيب في مصر

2007-08-11T21:55:00.000+03:00

لاقيت تصويت في الجزيرة عن التعذيب في مصر قولت اعمل هنا برضه واحد زيه بالظبط عشان أعرف رأيكوا

أنا بصراحة ابصم بالعشرين صابع ان التعذيب منهجي ومنظم

لدرجة انه يمكن أصبح علامة جودة لمصر أو رمز وطني زي الاهرامات

في انتظار تصويتكم

العلماني يتكلم

2007-08-02T19:26:00.007+03:00

.
أجزاء من حلقة لبرنامج الاتجاه المعاكس علي قناة الجزيرة تستضيف العلماني سيد القمني والاسلامي هاني السباعي.

الفيديو كنت عامله من حوالي ثلاث أسابيع بس ما كنتش عارف ارفعه .. لكن الحمد لله أخيرا رفعته.

بصراحة انا وضعت اللقطات التي يتكلم فيها سيد القمني فقط ولم أضع أجزاء من كلام هاني السباعي لاني كنت عايز اعمل الفيديو علي كلام العلماني الغير مفهوم علي الاطلاق .
وصراحة هاني السباعي كان أحيانا يتكلم بالفاظ مقززة

الاتجاه المعاكس علي قناة الجزيرة
Uploaded by itjustathought

أو

هنا

يا ريت يا جماعة اللي يفهم اي حاجة من كلام الراجل ده يقوللي
متهيقللي كلامه ...
اما بيقوله وهوا يقصد من وراءه معني يهاجم به الاسلام بفكره المريض الغبي.
او هوا كلام ليس له معني اساسا واهو هوا بيخبط في الهوا يمكن يقول كلمتان يكون ليهم معني

لمن يريد قراءة نص الحلقة هنا

.

استطلاع او استفتاء او اي اسم

2007-07-31T01:21:00.000+03:00

لقيت ان بلوجر عملوا خاصية جديدة لعمل الاستفتاءات

قلت اجربه

هتلاقيه علي الجنب

ولا مليم والله

2007-07-24T22:07:00.000+03:00

بقي اليوم الصبح بفتح التليفزيون الاقي ان ليبيا بسلامتها سابت الممرضات المجرمات وودوهم بلدهم لا وايه بطائرة فرنسية مخصوصة

يخرب بيوتكم انتوا ما عندكوش دم كده خالص والاطفال اللي عماله تموت (50 طفل الي الان ) مين ياخد القصاص من قاتليهم

الاكثر من هذا ان ساركوزي بتاع فرنسا الجديد بيقول يا جدعان ما تخافوش احنا ما دفعناش مليم واحد تعويضات ما تخافوش...معقول نديهم تعويضات اذا كان هما مش عاملين لنفسهم ثمن احنا هنعمل

لا والراجل المتعمر ده عامل فيها قائد الثورة والعقيد القائد والاخ الرفيق
وكل شوية يطلعلنا بحوار متخلف
فترة
دولة اسراطين
وفترة
الدولة الفاطمية الثانية
وفترة
الولايات المتحدة الافريقية

اقرأوا الجزء ده من موقع الجزيرة:

وكان مساعدون لساركوزي ومسؤولون ليبيون قالوا إن باريس ربطت زيارة ليبيا بالإفراج المسبق عن الممرضات والطبيب.

وقد نفى ساركوزي أن تكون فرنسا وأوروبا دفعتا تعويضاً للجماهيرية مقابل تسليم الممرضات البلغاريات والطبيب الفلسطيني الأصل.

لكن وزير الخارجية الليبي قال إن الاتحاد الأوروبي وباريس دفعا كل المبلغ الذي قدمه صندوق بنغازي لمساعدة عائلات الأطفال المصابين بالايدز. وأضاف أن "الاتحاد الأوروبي وفرنسا غطتا كل المبلغ بل هناك زيادة بعض الملايين" بالصندوق.

يعني من الاخر شكل عم معمر شال الموضوع كله وطبعا من فلوس الشعب اللي واكلها

نفسي اصحي في يوم اجد ان كل الرؤساء والزعماء والملوك والقادة واصحاب الجلالة والفخامة والعظمة والجلالة والسمو اللي حاكمين الشعوب العربية خطفيتهم كائنات فضائية تعمل عليهم تجارب بيولوجية كميائية مميتة

قولوا آمين

العيب في الداخل

2007-07-22T22:11:00.000+03:00

بمناسبة البوست اللي كتبته من يومين عن أثيوبيا .. كنت قبلها بيومين اتفرجت علي فيلم اجنبي اسمه شوتر

بيتكلم عن قناص محترف ( بطل الفيلم )فقد صديق له في عملية في اراضي أثيوبيا ..الامر الذي اثر فيه كثيرا وجعله يترك الحخدمة في الجيش
وبعد ثلاق سنوات من الحادث استغل احد الجنرالات حبه بطل الفيلم لوطنه (اللي هوا امريكا طبعا) واقنعه ان يعمل معه علي ابطال عملية متوقعة لاغتيال الرئيس..الامر الذي يتبين بعد ذلك انها عملية لاغتيال رئيس اساقفة أثيوبيا واتهام بطل الفيلم بها.

يلجأ بطل الفيلم الي الهرب حيث يكتشف ان العملية في الاصل كانت مدبرة لتبدو علي انه كان يريد اغتيال الرئيس لكنه فشل واصب رئيس اساقفة أثيوبيا وان السبب هو طمث الحقائق الذي يعرفها رئيس الاساقفة من ان الامريكان ارتكبوا ابادة جماعية في اثيوبيا لمصلحة شركة عملاقة امريكية .

الي هنا واتوقف لان السبب الذي جعلني اتكلم عن هذا الفيلم ان وجدت فيه نفس الفكرة التي أصبحت تتردد في الافلام والمسلسلات الامريكية

وهي فكرة الشركة العملاقة الاخطبوطية الخفية التي تتحكم بطريقة أو بأخري بالسياسة الامريكية وتسيرها في المقام الاول لمصلحة الشركة واستثماراتها حتي ولا كان ذلك علي حساب شعوب أخري بل ولو علي حساب الشعب الامريكي نفسه ....

شركة في مقدورها تحديد من سيتم انتخابه رئيسا لامريكا
شركة ليس لديها خطوط حمراء في مسئلة الاغتيالات والارهاب والقتل

قد يرجع ذلك الي احساس الامريكان (ومنهم منتجي هوليوود ) الي خلل ما يوجد في توجهات سياسة دولتهم
ان كره شعوب الارض لهم لسبب داخلي فيهم

ما يؤكد كلامي أنني وجدت تعليقات الامريكان علي الفيلم توحي أن كلامي الي حد ما صحيح

لكنني صراحة أفكر انه حتي ولو كانت مثل هذه الكيانات الخفية وجود اليس اول شئ يكون في اولوياتها هو التحكم في السينما وللتاكد من عدم احساس المواطن بان سياسات بلاده يتحكم فيها كيانات مالية ضخمة

يمكن يكون التحليل مجرد اوهام لا اساسا لها من الواقع لكنني متاكد من ان جوهر الفكرة صحيح الي مدي معين

الاهلي فاز بالتلاتة يا رجالة

2007-07-20T22:55:00.000+03:00

الاهلي فاز علي الترجي تلاتة صفر

الصور من الاستاد فعلا
أصلي كنت هناك

سلالالالالالام بقي
اروح اريح الجثة شوية

الجزيرة من تحت لتحت

2007-07-20T00:22:00.000+03:00

انهارده كنت بتفرج علي التليفزيون جبت علي الحرة الامريكانية لاقيت برنامج بيتكلم عن الارهاب والقاعدة واستخدام الانترنت

المهم كان فيه ضيف من بغداد وواحد من مصر اللي من مصر كانوا كاتبين انه خبير في الجماعات الارهابية (مش عارف هي ايه موضة خبير في الارهاب اللي طالعيين فيها اليوميين دول زي سنترالات المحمول لما كان كل واحد مش لاقي شغله يفتحلة محل للموبايل)اا

المذيع كان بيسئلهم عن القنوات التلفزيونية التي تذيع لقطات الفيديو التي تجئ من العراق وهل ده يعتبر شئ أخلاقي أم لا
طبعا بقليل من الذكاء تفهم انهم بيتكلموا عن الجزيرة
المهم الراجل اللي من مصر لاقيته بيقول ان ده شئ غير مقبول بل غير أخلاقي لانهم بيذيعوا مشاهد قتل الابرياء
انا بصراحة عمري ما شفت الجزيرة بتذيع حاجة غير العمليات المصورة للمقاومة العراقية ضد الامريكان
(بل حتي هيا لاتذيع اي مقاطع فيديو لعمليات ضد الشرطة أو الجيش العراقي)اا
1) فهل يا تري عمنا الحلو ده كان يقصد بكلمة الابرياء حبايبنا الامريكان اللي بتستهدفهم المقاومة
يا حرام صعبنين عليه قوي كده
2) أو هوا ما بيتفرجش علي الجزيرة أساسا
3)أو كان بيجامل الامريكان ويسميهم ابرياء علشان القناة أمريكية فمش معقول يشتمهم في بيتهم
والراجل اللي في بغداد قال ده كده بيبثوا الفتنة الطائفية مش فاهم ازاي يعني لما انا احارب الهمج اللي احتلوا بلدي واصور العمليات اللي بعملها ضدهم ابقي ببث الفتنة الطائفية ازاي

بعد كده المذيع سئلهم ازاي قناة فضائية (يقصد الجزيرة ) تعمل منتدي الناس فيه عمال يكتبوا كلام طائفي خصوصا ان المنتدي ده بكتب فيه مذيع واعلاميين من نفس القناة قصده علي موقع الجزيرة تاك
الحقيقة الراجل عنده حق فعلا المنتدي الناس فيه طائفية جامدة
ناس بيحبوا الحزب الاسلامي يشتموا في القاعدة واللي بيحب القاعدة يرد
ناس يشتموا في حماس وناس يشتموا في فتح
وناس يشتموا في الشيعة وحوارات كده
بس الموقع مكتوب فيه ان ما يوجد به لا يعبر عن شبكة الجزيرة
الموقع موقع شبابي خالص الشباب بيكتبوا فيه تقارير كل واحد من البلد اللي عايش فيها وفيه جزء منتدي للحوار بين الاعضاء المشتركينن
وطبعا كل واحد بيكتباللي علي باله
وانا اساسا لغاية دلوقتي مش عارف الموقع تبع مين ولا بتاع مين وهل الجزيرة هيا اللي بترعاه

المهم اكتشفت ان البرنامج اللي المفروض يتكلم عن القاعدة حوالي نص او تلت وقته كان بيتكلم عن الجزيرة(دون ذكر أسماء طبعا)اا

القناة ديه حرقاهم في ايه مش عارف

القناة في رأيي ممتازة الا أن بها بعض العيوب
مثلا بعض المذيعيين احيانا يكونوا غير محايدين وياخدوا جانب محدد
غالبا بيكون جانب الجماهير وما يعتقدوه الا انني لا اري ذلك مبررا للتخلي عن الحيادية
مثل تاني حوار الجزيرة تاك ده اللي ملهوش لزمة يكون فيه منتدي
ما النت مليانة منتديات أشكال والوان ايه فايدته واحد تاني
(ده طبعا اذا كانت هيا اللي عاملاه)

وطبعا فيه عيوب تانية بس في الاخر لا تؤثر في مكانة القناة التي أصبحت رائدة في الاعلام العربي

مين أولي ؟؟؟؟

2007-07-19T21:31:00.000+03:00

في جريدة الاخبار يوم الاثنين 16/7/2007 خبر يقول :

وافق أحمد أبوالغيط وزير الخارجية علي تقديم معونات غذائية من دقيق وقمح وزيت طعام الي اثيوبيا وذلك من الصندوق المصري للتعاون الفني مع افريقيا.. صرح بذلك السفير هشام النقيب مدير الاعلام والدبلوماسية العامة بوزارة الخارجية مشيرا الي ان ذلك يأتي في اطار دعم علاقات الصداقة مع الاشقاء الافارقة

لقيت الخبر برضة علي موقع وزارة الخارجية المصرية

بصراحة استغربت من الخبر وقلت في نفسي اشمعنا أثيوبيا يعني اللي نبعتلها معونات
ديه حتي كانت من شهر ولا شهرين عاملة فيها عنتر ودخلت الصومال كانها وكالة من غير بواب بكام دبابة اللي حيلتها وكام حتيتان الهليكوبتر اللي أعتقد ان كلها من ايام خروتشوف أيام ما كان بيديهم أسلحة وعمرها الافتراضي ودع من زمان

يعني هيا قادرة تعمل حروب وتجتاج دولة جنبها (اللي بالمناسبة دولة عربية في الجامعة العربية ) ومش قادرة تاكل عيالها
نيجي بعد كده نديها مساعدات ازاي
حتي فعلا لو محتاجين المساعدات ديه فاعتقد ان الصوماليين اولي بيها علي اساس أن اثيوبيا هي اللي اجتاحت بلدهم

بيقولوا القاعدة في مصر

2007-07-15T18:24:00.000+03:00

بالصدفة وجدت علي موقع الجزيرة خبر عن اعتقال 35 شخص في مصر المحبوسة (المحروسة ) يشتبه في انتماءهم لتنظيم القاعدة وذلك في شهر أبريل
وأن هناك حالة ااستنفار اأمني كبير وملحوظ خاصة في محطات مترو الأنفاق والأماكن السياحية والمصالح الحكومي

قلت في بالي اتاري المترو اول امبارح لما خرجت كان متعبي شرطة والجو متكهرب شويه.

لقيت برضه علي موقع المصريون خبر مكتوب فيه تعليق ل ضياء رشوان الخبير في شئون الجماعات الإسلامية :
إن هناك عوامل مثيرة للشكوك حول الإعلان عن اعتقال المجموعة المزعوم صلتها بـ "القاعدة"؛ أهمها عدم الإعلان عنه على لسان مصدر رسمي حتى الآن، وعدم نشره في جريدة قومية.
وأوضح أن ما يدعو أيضًا للشكوك هو الادعاء بوجود صلة بين أفراد المجموعة و"الجيش الإسلامي" بالعراق والربط بين هذا التنظيم الخليط من بعثيين وإسلاميين و"القاعدة" رغم أنه من ألد أعدائها، بل أنه أعلن إخلاء منطقة العامرية في العراق من مقاتلي التنظيم بعد معارك دموية.

بصراحة نادر لما الواحد ممكن يصدق الكلام ده و الحوار اما بيكون انذار كاذب أو ركوب لموجة الارهاب اللي في العالم.

وكمان أزاي يكون المتهمين ممسكوين في شهر أبريل وما حسيناش بالستنفار ده الا في شهر يوليو.

بس في نفس مش شايف ان الحكاية فيها ضرر مدام الامن هيفتح عينه اكتر ماهي مفتوحة ومنفنجلة بس المهم يعاملوا البني ادمين اللي ماشيين في الشوارع كويس.

مقلب ب700 ميجا

2007-07-08T23:04:00.001+03:00

بما اني من محبي الفرجة علي متشات التنس

وبما ان الجزيرة الرياضية خزلتني ولم تنقل بطولة ويمبلدون احد بطولات الجراند سلام

قلت انزل الماتشات من علي النت

دخلت الموقع الرسمي للبطولة ووجدت مكان لتحميل الماتشات كاملة

وفعلا ابديت انزل ماتش اكيد كان جامد .... روجيه × سافين

المهم بعد عناء سبمعمائة ميجا بشغل الميديا بلاير لاقيته بيطللعلي نافذة بتطلب كلمة السر

أول مرة اعرف ان فيه ملفات ميديا بتتقفل بكلمات سر .....سبحان الله

لكل محبي أفلام مايكل مور

2007-07-08T18:44:00.003+03:00

ستعرض قناة دبي وان الليلة فيلم بعنوان (روجر اند مي) وهو أول فيلم لمخرج الافلام الوثائقية الشهير مايكل مور

الفيلم علي حسب ما فهمت من الاعلان في القناة يتكلم عن تسريح الاف الموظفين من شركة جنرال موتورز مما ادي الي أضرار كبيرة لكثير من العائلات

الفيلم من انتاج العام 1989

Movie trailer

أتمني انه يكون فيلم جيد مثل فيلمه فهرنايت 9\11
خصوصا ان فيلمه الجديد (سيكو) مكسر الدنيا في أمريكا وعمل الي الان حوالي 12 مليون دولار في شباك التذاكر الأمريكية.

الفيلم يذاع الساعة يوم الاحد 12 ليلا بتوقيت القاهرة

أجمل شهر في العراق

2007-07-08T18:29:00.001+03:00

قال المتحدث باسم خطة أمن بغداد العميد قاسم عطا أن هناك انخفاض في عدد المدنيين الذين قضوا في أعمال عنف في العراق خلال يونيو/حزيران الماضي بحوالي 37% مقارنة بالشهر الذي سبقه. وحسب تلك المصادر فقد قتل 1241 مدنيا خلال الشهر المنصرم في حين سجل خلال شهر مايو/أيار السابق مقتل 1951 مدنيا

تعليقي

والله تقدم ملحوظ في سير العملية الديموقراطية العراقية المهلبية علي الطريقة الامريكية
فقد قتل في شهر واحد الف ومائتي شخص فقط
ده حتي الواحد سعات بيحس ان الارقام ديه بتتكلم عن كتاكيت فطست من الحر مش عن بني ادمين لحم ودم

وعلي رأي فرقة دام :
ديمقراطية.والله مو قضية. من كتر ما اغتصبتوا النفس العرب