Thursday, July 19, 2007

مين أولي ؟؟؟؟



في جريدة الاخبار يوم الاثنين 16/7/2007 خبر يقول :

وافق أحمد أبوالغيط وزير الخارجية علي تقديم معونات غذائية من دقيق وقمح وزيت طعام الي اثيوبيا وذلك من الصندوق المصري للتعاون الفني مع افريقيا.. صرح بذلك السفير هشام النقيب مدير الاعلام والدبلوماسية العامة بوزارة الخارجية مشيرا الي ان ذلك يأتي في اطار دعم علاقات الصداقة مع الاشقاء الافارقة


لقيت الخبر برضة علي موقع وزارة الخارجية المصرية

بصراحة استغربت من الخبر وقلت في نفسي اشمعنا أثيوبيا يعني اللي نبعتلها معونات
ديه حتي كانت من شهر ولا شهرين عاملة فيها عنتر ودخلت الصومال كانها وكالة من غير بواب بكام دبابة اللي حيلتها وكام حتيتان الهليكوبتر اللي أعتقد ان كلها من ايام خروتشوف أيام ما كان بيديهم أسلحة وعمرها الافتراضي ودع من زمان

يعني هيا قادرة تعمل حروب وتجتاج دولة جنبها (اللي بالمناسبة دولة عربية في الجامعة العربية ) ومش قادرة تاكل عيالها
نيجي بعد كده نديها مساعدات ازاي
حتي فعلا لو محتاجين المساعدات ديه فاعتقد ان الصوماليين اولي بيها علي اساس أن اثيوبيا هي اللي اجتاحت بلدهم


2 comments:

ebn_misr_elghalban said...

من فترة و انا بحاول امتبلك
لابد من و جود وجهات نظر مختلفة و انى كل واحد ممكن ينظر للامر بزاوية قد تشابة او تختلف
المهم هو الحوار الجاد و الوصول الى راىء جماعى بديمقراطية حقيقة
لانى مش ضد مساعة الغير
لكن و جهة نظرى انى الاول اهل البيت و بعدين الجيران حتى لو اخد جزء مما يخص اهل البيت
لكن اسيب اهل البيت جعنين و عطشانين و ادى كل شىء للجيران ابقى مجنون او سفية فى تقدير الامور
يعنى حتى لو قسمت الى معاي بالنص بنهم
و اهلا بيك فى حوار حتى لو اختلفت الاراء ابن مصر الغلبان و الحيران

Mohammad said...

أنا معاك طبعا ان الجار أولي بالمعروف ديه حتي قاعدة فقهيه معروفة

بس أنا قصدي انه حتي ولو فرضنا انه هناك مساعدات ترسلها مصر للدول الافريقية فالاولي بها من تم اجتاح بلده ...لا من يجتاح بلدان أخري وهو لايستطيع اطعام شعبه.

انا لا أختلف مع رأيك علي الاطلاق

وأهلا بك في المدونة