Monday, August 20, 2007

الجيش اللبناني


امبارح كان فيه خير كده ان الجيش اللبناني استخدم قنابل وزنها 400 كيلوجرام لقذف مواقع فتح الاسلام

الخبر استغربت منه في عدة اوجهه
ازاي جماعة مكونة من 100 ولا 200 واحد ..جيش نظامي مش قادر عليها من يجي كام شهر ..حتي لو الجيش ده قدراته محدوده

حاجة تانية اهم استغربتلها ..وهو ان القنابل وطيارات الهليكوبتر ديه كانت فين السنة اللي فاتت لما جيش الكيان السرطاني كان بيدمر لبنان

وافتكرت تقرير شوفته علي اليوتيوب متسجل من قناة نيوتيفي (اللي اكيد تبع حزب او تيار في لبنان زي اي قناة عندهم) التقرير بيتكلم عن جنود لبنانيين بيقدموا القهوة للجنود الاسرائيليين ايام الحرب



بس برضه انا فاكر في ايام الحرب لما الواحد قعد التلاتين يوم دول ادام الدش يتابع الحرب ...كان فيه شهداء كتير من الجيش اللبناني..

يعني مش معني كلامي اللي فات اني بقول ان الجيش اللبناني عميل او ملهوش لزمة ...
بس هيا مجرد افكار جت في دماغي

1 comment:

micheal said...

الجيوش العربيه كلها أصبحت ديكور في أيدي أصحاب السلطه يضعونه اينما يشاءوا
تحياتي