Tuesday, February 19, 2008

عايز نصيحة


بصراحة مع ان الموضوع تافه ومش مستاهل أساسا ان انا اعمل عليه تدوينة ... بس وجدت انها فرصة للنقاش

وبعد ما كتبت اشرح الحكاية .. فضلت اني اضع رابط وبس

هنا

بعد ما تدخلوا الصفحة ديه لو سمحتوا قولوا رأيكوا أرد ولا أعتبر أني مشفتش حاجة أحسن

في أنتظار ردكم


And here is the rest of it.

16 comments:

dr_drsh said...

لم يبدر منك أي اهانة او استهزاء والهانم معقبتش على ردك قد معقبت على اسمك! :)

كونك ترد أو متردش ده أمر يرجعلك , بس أنا شايف ان نتاج هذا النقاش سيكون عقيما , هتحرقلك شوية أدرينالين و كورتيزول و محدش هيفهم.

بس زي مقولتلك , الموضوع راجع ليك.

قليل من التفكير said...

فعلا يا مصطفي النقاش هيكون عقيما .. بس هوا أنا لسه هحرق أدريناليين .. ما دمي أتحرق أمبارح لما قرأت الرد المكتوب

اللي مضايقني أكتر من الرد الغير محترم عليا ده أنني مكنتش أتوقع أن في عالم التدوين هلاحقي ناس حادة قوي كده في كلامها

دا كانني قتلتلها عيل ولا حاجة .. سبحان الله

يلا يا عم شكرا علي ردك

انحلت سيور العربه وسقط المهر من الاعياء said...

ولا تحط ف دماغك ولاترد

لان الجواب بيبان من كومنتاته

مفيش اصلا اسس للنقاش السليم هم بيفترضوا صحتهم وعلمهم وثقافتهم وبينفى عن المختلف حتى لو بيحاول يفهم ويقيم حوار الجهل والتخلف والرجعيه والعوار الفكرى!!!

الاشكاليه الكبرى هى دى هى جدلية

انى انا

الصواب المطلق
وان للحقيقه وجه وحيد
هو انا
هو
ايدلوجيتى
اذا فلا مكان ولا ارضيه حواريه
لانك هتمشى فى حدود خطوط لاهى مستقيمه ولا متوازيه ولا شعاع ولاقطعه مستقيمه

حوار بدون اصول وبدون نقاط بدايه ونهايه

تكبير الدماغ اولى من وجعه
........

حتى تتوفر ارضيه حقيقه للحوار بدون تسفيه للاراء والتعالى فى العرض والانفعاليه المفبركه فى الدفاع عن القيم التى ننقاضها عند اول اختبار حقيقى واظنه من الصعوبه للبدايه غير الطيبه
............
تحيه

Alexandrian far away said...

الحقيقه أنا أضم صوتي لصوت الجحيم هو الحقيقة
فلا معنى ولا إمكانية للحوار بين العلمانيين والدينيين، ولا معنى للحوار أصلا

قليل من التفكير said...


الجحيم هو الحقيقه


Alexandrian far away

شكرا علي ردكم

فعلا يبان من الكلام أن كل واحد معتقد عن قناعة أن صح وعمره ميكون غلط وان أي حد هيختلف لازم الرد عليه يكون حاد عشان لا يحاول الاختلاف مرة تانية

فارس عبدالفتاح said...

سلام عليكم ورحمة الله

انا مش عارف اقول حاجة غير انه يمكن ان يكون هذا الذي كتب المقال اتى بتنظير جديد وفلسفة جديدة للعلمانية تحتاج الى الرد عليها بطريق فلسفية دينية اسلامية حتى يفهم لماذ اوقف عمر الفاروق العادل هذا الحد

ورداً على كل الاسئلة التى يطرحها وانا مستعد ان ارد لكن افتقر الى الحكمة في مثل هذه الاحوال .

yomna said...

العلمانية مش دايما شيء وحش... هما صحيح العلمانيين مكبرين الموضوع حبتين ومحبشينه كمان... بس الفكرة نفسها مش وحشة... المهم هما ازاي يعملوها... وبصراحة اللي بيعلموه العلمانيين حاجات مش ولابد وكمان بيكون اغلبهم ناس جهلة... كل اللي عاوزينه انهم يبانوا انهم ناس عكس التيار تطبيقا لمبدا خالف تعرف... احسن رد ممكن ترده على ناس زي دي انك تتجاهلهم... زي ما المثل بيقول جادل عالم ولاتجادل جاهل

مفيش اي امل من المناقشة مع حد منشف دماغه ومش متقبل لكلام الناس ...ده اسمه تضييع وقت على الفاضي

وصحيح...سوري خاص على اني بقالي كتير معدتش على البلوج بتاعك بس فعلا كنت مشغولة الفترة اللي فاتت

سيكولوبيا *حكايات من العيادة النفسية said...

والعلمانية مش معناها بردو حرية الرأى والتعبير وقبول رأى الاخر حتى لو كان مخالف ؟؟؟ ولا أنا فاهمه غلط

كل واحد يبدى رأيه وكل واحد حر فى الرفض او القبول

Wael said...

هو الرد مبالغ فيه جدا معاك حق , وكان ممكن الهدف يوصل بعبارات اقل منكده بكتير فىالحجم والكيف , على اى حال متخدش فبالك . هو -او هى - متعصب لرأيه زياده عن اللزوم .

وفى الحقيقة لست ادرى سبب هذه التدوينة , هل هو طريقة الرد الحاد على تعليقك البسيط ؟ ام هو موضوع العلمانية نفسه ؟ ام كلاهما؟.

قليل من التفكير said...


فارس عبدالفتاح

وعليكم السلام ورحمة الله وبركاته
أعتقد ان الكلام ليس تنظير جديد وانما لعب بالتعريفات والاسماء ليجعلوا من الاسلام وسنة النبي .. وأي خلق من الاخلاق الكريمة أنما هوا من قبيل العلمانية

وشكرا لك علي ردك ومنور دايما

yomna

فعلا زي ما حضرتك قولتي ... أي حوار زي ده بعد كده الواحد ما يبقاش يدخل فيه عشان ما يطلعش حد من تحت الارض يرض علي الواحد بالطريقة المستفزة الغريبة ديه

وعلي العموم تنوري في أي وقت وربنا يكون في عونك

سيكولوبيا *حكايات من العيادة النفسية

كلام حضرتك صح ... الغريب أن أهم مبادئهم اللي بينادوا بيها في أول أختبار بيتجاهلوها

تحياتي لك

Wael

السبب بصراحة الاتنين .. يعني أزاي بيتكلموا عن حرية الاديان والرأي ... وأول ما أختلفت معاهم وقولت رأيي من غير أي اساءة لحد .. كان أول اللي تجاهل المبادئ اللي بيتكلموا عنها واحد منهم

تحياتي

NilE_QueeN said...

انايعتبر معرفش حاجه عن العلمانيه الا انها فصل الدين عن نظام الحكم

بس اللى اعرفه و ماشيه بيه لانه الصح
حديث الرسول صلي الله عليه وسلم اللى قال فيه (تركت فيكم ما ان تمسكتم به لن تضلوا بعدي ابدا ،كتاب الله وسنتى)واللى اعرفه ان ربنا جعل الاسلام منهج دين و دنيا ولا سبيل للفصل

العراق صوت الحق said...

أخي الكريم برجاء الاطلاع على هذا الموضوع للتعرف على حقيقة حزب الله وايران أذا كنت لا تمانع في قليل من التفكير
عمر

قليل من التفكير said...


NilE_QueeN


هما بقي بيلعبوا علي جزئية أن الاسلام منهج دين و دنيا

بأدعائهم أن الاسلام نفسه بيفصل الدين عن الدولة ... حاجة تجنن

تحياتي

العراق صوت الحق

أن شاء الله لن أمانع

تحياتي

Mo3Az said...

اعتقد انك ترد عليه منطقيأ
فان ابى الا الكلام وخلاص
فاعرض عنه

micheal said...

أنا عن نفسي من اشد أنصار العلمانيه و فصل الدين عن السياسه و عدم وجود أيس جماعات لها بعد ديني زي الاخوان و أقباط المهجر
تحياتي

rona said...

لا متشغلش دماغك ده حد مت؟أكد انه صح وتقريبا كمان بيمنطق الاشياء بطريقته الخاصه