Friday, April 25, 2008

سيناء وأحوال مصر

.

بمناسبة عيد تحرير سيناء (اليوم الذكري ال 26 لتحريرها) تذكرت قصة لدكتور قالها أثناء محاضرة ...

وهي أنه مرة كان في سيناء وأثناء حديثه مع أهلها (في الغالب بدو ) سئلهم عن الرعاية الصحية التي تقدم لهم والفرق بينها وبين الفترة التي كانت سيناء فيها محتلة
فقالوا له : "كانت الست عندنا لما بتيجي تولد تيجي طيارة هليكوبتر مخصوص تاخدها لتل أبيب تولد ولما تستريح الطيارة تجبها تاني"

طبعا الصهاينة كانوا لا يفعلوا هذا لطيبة قلوبهم وانما لكسب ولاء البدو

حين تذكرت هذه القصة وقارنت بين هذا وبين المستوي
الحالي لمختلف الخدمات صحية كانت أم تعليمية أم أكلييه (من الأكل lol) في كل مكان في المحروسة

قلت في نفسي :
أكيد البدو في سينا دلوقتي بيقولوا ... فين أيامك يا أسرائيل

وصباح الخير يا سينا
.

7 comments:

Anonymous said...

مساء الخير

فعلا أنا سمعت عن موضع الطياره ده بس مش من دكتور
الصراحه مش فاكره منين و أكيد البدو كان ليهم ولاء لأسرائيل اكتر من بلدهم

كنت بتكلم مع شخصيه اعلاميه و كان بيحكي عن سينا و البدو بتوعها و بيقول ان الأسرائليين كانوا يجوا بخيمه و يعملوا تبادل يبيعوا بضايع للبدو و بدل ماياخدو الفلوس كاش يخالوا البدو يتولوا بما يعادل يعني الفلوس دي امور معيشتهم في الويك اند مثلا اللي الاسرائليين جايين يقضوه في دهب يعني تبادل منفعه

تحياتي ليك

آفاق الحرية said...

السلام عليكم
طب وليه احنا منحاولش نعمل كده
ولا يعني هما علشان في اخر القطر المصري بنتجاهلهم ومنفكرش فيهم
تحياتي

أنا حر said...

الولاء والانتماء شعور بيتخلق جوانا اتجاه الافضل لينا واللي بيحترمنا ويخاف علينا
تفتكر مصر تستحق ان يكون في حد ولائه ليها؟؟؟
بصراحة اشك
تحياتي

صحفية روشة said...

انت بتتكلم واكنك بتتريق على البدو لما بيقولو فين ايام اليهود
على فكرة البدو بيقولو كدة فعلا
وحصلت معايا واحد عرباوى منهم قالى كدة
هو كان فى زى ايام اليهود كنا حاسين اننا عايشين فى باريس واحلى شغل واحلى فلوس كانت بتطلع منهم
____________________________
للى عاوز يزور لوحه شرف يدخل مدونتى وهتلاقو لينك لوحة شرف فيها
لوحة شرف هى لوحه شرف لكل من دون فابدع وينشر بها افضل بوستات كتبها البلوجرية
____________________________
ميفوتكش البوست الجديد (اوزه سينى هدوم اروسه)

Anonymous said...

أكيد بيقولو كدة..
خالي باك علي نفسك..
ههههههههههههههههههه

تحياتي لك

Mohamed Sakr said...

أنا مش عارف ليه عندي شعور باتناقض و الازدواجية غريب

لما يكون في حرب المعدن الاصيل يبان و نبقى مستعدين لللي أكتر من الموت و ندافع عن الاراضي كأها عيل من عيالنا و لا كأنها أمي او ابويا

و لما أكسب الحرب ترجع ريما لعادتها القديمة ، و ترجع العيال معفنة من تاني

بس من وجهة نظري اللي مصبر أهل سيناء برغم من سوء الاوضاع إلى حد ما ، هو قيمة الارض عنهم

و مساء الخير يا سينا ،
ورسيتي في مراسينا

yomna said...

البدو لحد دلوقتي فيه منهم ولائهم لاسرائيل و بيطلبوا اللجوء ليها و فيه منهم بيسافر في السر عشان يشتغل فيها


و بصراحة محدش يقدر يلومهم على ده