Thursday, August 2, 2007

العلماني يتكلم

.
أجزاء من حلقة لبرنامج الاتجاه المعاكس علي قناة الجزيرة تستضيف العلماني سيد القمني والاسلامي هاني السباعي.


الفيديو كنت عامله من حوالي ثلاث أسابيع بس ما كنتش عارف ارفعه .. لكن الحمد لله أخيرا رفعته.

بصراحة انا وضعت اللقطات التي يتكلم فيها سيد القمني فقط ولم أضع أجزاء من كلام هاني السباعي لاني كنت عايز اعمل الفيديو علي كلام العلماني الغير مفهوم علي الاطلاق .
وصراحة هاني السباعي كان أحيانا يتكلم بالفاظ مقززة







أو

هنا


يا ريت يا جماعة اللي يفهم اي حاجة من كلام الراجل ده يقوللي
متهيقللي كلامه ...
اما بيقوله وهوا يقصد من وراءه معني يهاجم به الاسلام بفكره المريض الغبي.
او هوا كلام ليس له معني اساسا واهو هوا بيخبط في الهوا يمكن يقول كلمتان يكون ليهم معني

لمن يريد قراءة نص الحلقة هنا

.

15 comments:

dr_drsh said...

قال بيقولك حماس من أول ممكست معملتش حاجة, هما لحقوا أصلا, دا هما مسكو من هنا و الدنيا اتقلبت , والقريب قبل الغريب نزل ضرب و تجويع في الفلسطنين عشان يقوم على الحكومة!

الراجل ده شكلو مش بيقرا أخبار!

أنا بصراحة مش بحب الناس بتوع الانجاه المعاكس دول, أي واحد بيفقد أعصابه في النقاش يبقى بطيخة.

قليل من التفكير said...

مصطفي باشا عامل ايه

لا يا بني انت مش واخد بالك هوا بيقول ايه عن حماس :لا قطعوا ايد ولا رجعوا حق المسلمين في الجواري ...
يعني انا مش عايز اخمن بس هوا متهيقلي الشريعة الاسلامية مضايقاه وحرقاه قوي فهوا بيختارالحجات اللي شكلها من بعيد انها وحشية أو غير متحضرة في الدين الاسلامي ويبينه ويستغرب ان حماس ما عملتهوش مع انها بتقول انها بتطبق الشريعة
خت بالك من الحتة ديه ولا انا بيتهيقلي

بمعني انه هوا اساسا مش بينتقد حماس لا ده بينتقد الاسلام اللي المفروض حماس تطبقه..مش عارف انا وضحت رأيي ولا لأ

dr_drsh said...

مخبيش عليك يا أخ عبده ان صوت السماعات عندي مش ولابد فانا مكنتش مركز أوي يعني.

هو يبدو والله أعلم انه بيردد اللي المفكرين العلمانيين بيقولوه بره , يعني بمعنى آخر ممكن نطلق عليه "مقلد" وليس "مفكر", يعني ده المفروض راجل عايش في وسط اسلامي "الي حد ما"ويمكنه الوصول الى التيارات الاسلامية اللي في البلد, مكلفش خاطره يروح يعرف الناس ديه فكرها ماشي ازاي وايه فكرتهم عن "الحل الاسلامي" , هو قرا الكتاب و طلع على الجزيرة.

أنا حر said...

معلش انا يمكن هختلف معاكم شوية مش كل واحد يتكلم وحش على العلمانية يبقى العلمانية وحشه ومش كل واحد يكون ارخابي باسم الدين يبقى الدين هو اللي ارهابي العلمانية معروفة كويس ومعروف قواعدها ومعروف افكارها وانا بحب اوضحلكم الفكر العلماني وعلاقتة بالاسلام وده من خلال زيارتكم لمدونتي ومراجعة اول الموضوعات الخاصة بالموضوع ده ويهمني جدا رايكم
تحياتي

funckydoctor said...

حلوة الحتة بتاعت الجوارى ده
صحيح راجل تافه
وبعدين يقول أنت تردد منتج ربنا
انت كلك على بعضك يا ابن ال....من مخلوقات الله

قليل من التفكير said...

أنا حر أهلا بك في المدونة :

أساسا العلمانية انا شايف ان كل واحد بيفسرها تفسير علي حسب مزاجه...يعني مرة مثلا كان فيه مقالة لجمال الشاعر بتاع برنامج الجائزة الكبري الديني كان قال فيها ان اول علماني مسلم كان الصحابي معاوية بن ابي سفيان وده علي حد رايه

من الاخر ان قصدي ان كل واحد العلمانية في دماغه لها تفسير وشكل وقبل ما الواحد يحكم علي التاني لازم يعرف هوا يقصد ايه بالمصلح اللي بيقوله

لكن انا ضد العلمانية اللي يكون فيها الاتجاه العلماني في حد ذاته دين مفروض علي الناس

ان شاء الله هزور مدونتك
واهلا بك مرة تانية

قليل من التفكير said...

Funcky doctor
اهلا بك

يا عم الراجل بيتكلم اي كلام وخلاص يمكن حد يفهم حاجة

ما تكلمنيش بمنتج ربنا
حلو اوي يعني اسرقك واموتك ولما تقولي حرام كده ارد عليك اقول ما تكلمنيش بمنتج ربنا منتج ربنا ربنا هوا المسئول يطبقع لان هوا عنده الطير الابابيل وعنده الطوفان..........الخ الخ الخ

طباح البتنجان

مصطفى فتحي said...

صديقي العزيز
اولا اشكرك لتشريفك مدونتي
ثانيا اشكرك على هذا الموضوع الشيق
واضيف ليس كل مسلم ورجل علم يكون مؤهل للرد على العلماني
العلماني يحتاج لرجل دين متميز ومثقف قادر على الرد عليه
وفي النهاية كل واحد منا حر في اختيار طريقة تفكيره واتجاهه
يعني سيد القمني حر تماما فيما يفعله الاسلام لن يخسر بفقده
الوحيد الخاسر هو سيد القمني نفسه

قليل من التفكير said...

شاب مصري
شكرا لتشريفك المدونة المتواضعة

فعلا الوحيد الخاسر هو سيد القمني

بس اللي يضايق انه بيتكلم كلام ملهوش معني معرفش بصراحة عن اقتناع ولا لا...وبيدخل كل حاجة في بعضها ويجبلك من يمين وشمال...لو كان الكلام اللي بيقوله كلام مفهوم كان هيكون احسن لان هيكون حوار عاقلين مش سمك لبن تمر هندي

dr.Roufy said...

سيد القمني معروف أصلا..انه متحدث ومردد
ليس مفكر اطلاقا
أحترم اختلاف الرأي,,والفكر
لكن مانراه هو كلام سطحي متعصب
وللأسف من واحد ينصب نفسه مفكرا وضد التعصب الفكري
وهو أصلا لا يجيد التعايش أو التفكير
لكن البعض كما يقال..يحب أن يركب الموجة
وللأسف فأسس التفكير..وادب الاختلاف..شئ غاب عن هؤلاء..
واصبحت المسألة
انا اردد كلمات للهجوم على الاسلام ..ككل وأخلط الأمور خلطا رائعا
اذن..فأنا مفكر ليبرالي يساري علماني حر..وكل من خالفني..وهابي وارهابي وابن لذينا

والعكس صحيح..أنا أردد بعض الآيات والأحاديث..اذن أنا مفكر اسلامي ومفتي كمان
وكل من خالفني..زنديق وفاسق
وشر البلية ما يضحك

مصطفى حسان said...

شىء صعب والله
فعلا حاجة تجيب كآبة
مش عارف الناس دي في عقلها ايه؟

فكرتني بالشيخ محمد حسان
بيقول كان في جامعة عريقة في أمريكا تقريبا
وجه في الجامعة دكتور كبير أوي وصاحب اكتشافات وأبحاث عظيمة
بيقول أول ما الدكتور دخل الجامعة الدنيا اترجت
فقلت: مين ده؟
قالولي: الدكتور فلان الفلاني
وده دينه ايه؟
لأ ده لايديني
قال الشيخ: والله العظيم البهيمة اللي عندنا في الغيط بتفهم أحسن منه :)

جتهم القرف

قليل من التفكير said...


dr.Roufy
أهلا بيكي في المدونة

كلامك صح

سيد القمني لما قال انه اتهدد بالقتل كان فيه كلام كتير ان الحوار كله هجس ومن اختراعه

بس اللي بيضايق الواحد ان اخبار زي ديه ولو صحيحه بتعمل شهرة زائفة لمثل هؤلاء فتلاقي مثلا اسعار كتبهم تزيد عشان الناس بتحب تشوف الراجل ده كاتب ايه

قليل من التفكير said...


مصطفى حسان
أهلا بيك يا باشا وبكل مجتمع جوملا

حلوة الحكاية اللي انت قولتها ديه ...فعلا في الحالة ديه الحيوان بيكون بيفهم عن الانسان علي الاقل عارف اهم حقيقة في الكون وهوا ان فيه خالق

كل وابس في الاخر كل واحد حر في اختياره ودينه بس ما يجيليش بقي واحد زي القمني ديه يعد يهبل في الهوا بكلام نص كم ..يتكلم كلام مفهوم عن رأيه ووالجانب الاخر يتحاور معاه ..مش الهبل بتاعه ده

yomna said...

البلوج بتاعك لطيف جدا و مواضيعه تحفة بجد...انا كده هبتدي اغير و الله و خصوصا ان اخر موضوع بتاع مشرف انا كنت هعمله فعلا بس كده انت حرقتهوللي...يلا معلش تتعوض في حاجة تانية

المهم بقى على موضوع العلمانية...العلمانية نفسها كنظرية هي حاجة كويسة جدا...و من غير تعصب اعمى للدين بس لما نفصل الدين عن الدولة ده ممكن يكون حل كويس مش وحش اوى...لانها بالشكل ده مش بتلغي الدين...بس بتقول انه ملوش مكان في السياسة...لكن انت حر انك تعبد ربنا زي ما انت عاوز

دي العلمانية فعلا...و ناس كتير من اللي فسروا العلمانية قالوا انها مبتعلقش على اي دين سواء بالسلب او الايجاب لانها ملهاش علاقة بالدين اصلا
هنقول ايه المشكلة...المشكلة في الناس البتنجان اللي زي القمنى دي...بصراحة اللي قال عليه بطيخة ظلمه...ده شادر بطيخ بحاله و اقرع كمان...هما عشان يتشهروا يقوموا يفسروا العلمانية على مزاج اهلهم...مش هما بس...لكن فعلا تطبيق العلمانية حاليا غلط

من الاخر النظرية مظبوطة بس تطبيقها لاسع شويتين

قليل من التفكير said...


موني
نورتي المدونة

وشكرا لكلامك المشجع عن المدونة

وازا كنت أنا لحقت مشرف
خودي كرازاي

أما تعقيبا علي كلامك

فاللي مخلي الواحد مش قابل حكاية العمانية ديه هوا اختلاف الكلام اللي بنسمعه من العمانيين عن الفكر نفسه ومعناه وكيفيه تطبيقه

يعني في فرنسا لاقيناهم طلعيين بقانون منع الحجاب بحجة الحفاظ علي علمانية الدولة...طيب وايه المشكلة مش بتقول ان العلمانية فصل الدين عن الدولة امال ما انت كده دخات في امور دينية بطريقة كمان ايه مقيدة لحرية الانسان ... وحقه في تحديد طريقه حياته وعيشه

حاجة كمان لو معني العلمانية ان الدين ملوش دعوة بالسياسة ..طب كده والسياسة ايه اللي هيحكمها ... وامتي عنغرف ان السياسة غلط او صح وازاي هنستطيع تحديد الخير والشر ... وهكذا ....الخ الخ