Thursday, August 16, 2007

أسئلة في السريع ؟؟؟؟؟؟؟


كام سؤال كده سؤال في السريع :

هوا رجل الشرطة اللي بيكون حاطط تلات شرط ده رتبته ايه ؟؟؟؟؟؟
اصل كنت بعمل جواز سفر وكان فيه واحد زيه كده شايف نفسه قوي وعمال يكلم الناس اللي بتعمل جوازات بطريقه مش حلوه مع انهم ناس شكلهم يقول انهم محترمين يعني ممكن يكون منهم دكتور ولا استاذ جامعي ولا مهندس ولا تربوي ولا اي حاجة ...مش سوابق يعني
يعني المفروض حتي لو لواء يكلم الناس بطريقة كويسه - اعتقد دا الحال في اي بلد محترم -
لا وايه مع ان المكان مغلق بس ماسك السجارة وشغال قشطة
يا عم الحج المفروض انك بتطبق القانون ولا بتخالفه؟؟؟؟؟ - ده سؤال ثااني-

سؤال ثالث :
هوا كل واحد في ام البلد ديه بيمشي شغله المسئول عته بمذاج اللي خلفوه ولا ايه ؟؟؟؟

من فترة كنت روحت القسم اجيب استمارة عمل جواز السفر
لاقيت الست المتوظفة بتقوللي وهيا بتكلمني بقرف كده : انت لازم يكون ورقك جاهز الاول
قولتها : ازاي وانا واخد لوالدتي استمارة من المدام اللي جانبك امبارح من غير ما تقوللي الورق جاهز
قالت : انا بمشي شغلي كده وعايزاك تطلع بره ( بنت ال ...)ا
انا بصراحة قلت يمكن فعلا هوا النظام كده والمدام التانية المفروض ما كانتش تديني الاستمارة كده قبل ما الورق يكون كامل

انهارده بقي رحت مجرد ما قلت لضابط او امين شرطة محترم كده واقف انا عايز استمارة لجواز السفر اداني الاستمارة علطول ولا فين ورقك ولا حاجة

يعني من الاخر في البلد ديه مصالح الناس بتمشي بمزاج اللي ماسكها وانت ولا عارف ايه النظام ولا مين الشغال مظبوط ومين لا

عشان بس ما كونش بعمم اكيد في كل مكان فيه ناس محترمين بيقوموا بشغلهم كويس من غير ما يطلعوا عين الناس

8 comments:

dr_drsh said...

يا راجل؟

يبني حسب تجربة شخصية "من فترة يعني" لقيت ان مصلحة الجوازات ديه من أنضف المصالح اللي في البلد , هي دي كمان هتبوظ!

بس عارف , من أهم أسباب تدهور حالة المصالح عندنا هي السلبية , موظف زي ده المفروض يترفع فيه شكوى ,كل ميستهبل يتفقع شكوى لحد ميتعدل ,طبعا ده على اعتبار ان اللي فوقيه راجل عايز يصلح و ده موجود طبعا.
لكن ان احنا نقعد نشتكي لبعض , الموظف مش فارقه معاه حاجه طول مهو مرتاح و بياخد مربته , لا جزاءات ولا لفت نظر ولا غيره

قليل من التفكير said...


مصطفي باشا ازيك

بصراحة النقد الوحيد اللي كونته هوا حكاية الست الغريبة ديه .... يعني كلامي ليس معناه ان المصلحه كلها كده..بل مجرد سرد واقعة حدثت لي


dr_drsh said...

أظن البداية كانت ديما كده ,موظف بيستهبل و محدش كلمه , بعد كده غيره يقلده و يريج دماغه , نظام التفاحة الفاسدة يعني.

يعني اذا متمش التعامل مع الولية ديه بشكل حازم غيرها هيقلدها , كشعب احنا بنحب الاستهبال و الرحرحة :P, فلازم حد يتابع

قليل من التفكير said...


معاك حق

بس انا لما قاللتلي هوا كده واطلع بره انا مشيت علي اساس ان كلامها صح وان ده هوا النظام

لما امبارح خدت الاستمارة من غير حاجة كنت بصراحة عايز ادور علي حد اقوله اللي حصل معاياه وانه اخرني كده من غير سبب...احتر اشتكي لمين خصوصا وانا شايف الراجل اللي كان بيكلم الناش بطريقة وحشه ... فكبرت دماغي بصراحة

الدرويش المرووش said...

مصلحة الجوازات من أحسن الأماكن الخدميه فى البلد

جرب تخش القسم تعمل محضر و إنت لابس جلابيه

هاتاخد مساج ببلاش

مصطفى فتحي said...

حاجة غريبة فعلا يا اخي
ايه ده
كل واحد شغال بمزواجه
ربنا يرحمنا

قليل من التفكير said...


الدرويش المرووش أهلا بيك :

انت بتتكلم بجد ..ال قسم فيه مساج مجاني ..طب دا حلو قوي ..واكيد الحكاية عليها طوابير..انا بكرة هروح من الفجر عشان الحق

وربنا يخليلنا الشرطة

قليل من التفكير said...


شاب مصري

فعلا ربنا يرحمنا برحمته