Wednesday, September 26, 2007

تقاطع الحمير

حد سمع قبل كده عن مبدأ تقاطع الحمير

بجد مش تهريج ... ده مبدأ محسوس حولنا في حجات كتير

علي العموم ده مبدأ أفتكرته (أو بمعني أصح افتكسته ) لما شوقت الكاريكاتير ده من جرنان المستقبل اللبناني



أنا بقالي بصراحة فترة كبيرة محتار من المالكي ده ازاي شغال لامريكا ولايران في نفس الوقت
عنده مثلا انفصام شخصية
ولا نظام العملاء المزدوجيين بتوع المخابرات

لحد ما الكاريكاتير ده انقذني ونبهني لحاجة

انه حتي ولو كان فيه كيانات سياسية متصادمة ... فأكيد نفس الكيانات ديه بينها ولو يعني شكل أو أخر من أشكال تقاطع المصالح

وفي الحالة اللي احنا امامها فان نقطة التقاطع ممثلة في نوري المالكي هيا بلد بحاله
بلد امبراطورية التدمير الامريكية لغت اسمه من علي الخريطة ومسحت باستيكه حضارته وتاريخه... وفي نفس الوقت ده اعطي فرصة كبيرة لعدو امريكا اللدود ايران للتغلغل في كل نواحي الحياه في البلد المنتهي لدرجة ان فيه اماكن في العراق أصبحت لدرجة ما تابعة اداريا لايران.

العراق دلوقتي بقي عبارة عن شاي بلبن أمريكي ايراني والحمد لله
والعرب نايمين في غيبوبة..

والغريب ان نفس الكيانين دول داخلين في صراع حقيقي (مش تقاطع مصالح ) في حاجة تانية والعرب للاسف داخلين فيه ( فايقين هنا نايمين هناك )

فالعرب مع انهم سايبين ايران في العراق... تلاقي امريكا بتوزهم ضد ايران وتخوفهم من مشروعها النووي

وكأن امريكا بتقول للعرب :
سيبوا ايران وملكوش دعوه بيها في العراق اهو بتكمل معايا تدمير البلد عشان نجيبه علي البلاط في أقرب وقت ممكن
وبستك عليها في حكاية الملف النووي لحسن حبيبتكوا وحبيبة الملايين اسرائيل قلقانة شويه فياريت تساعدوها ينبكوا ثواب

كان المفروض الرسام رسم بدل الحماران وحشان كان هيبقي الرسم أكثر واقعية

And here is the rest of it.

5 comments:

Dr.Mohammed Gohary said...

يا عم انا ماليش دعوه بالسياسه كلام في سرك بيتنا مستهدف من ايران
متجيب بوسه عالـ موضوع ده
ابقي سلملي عالـ مترو

قليل من التفكير said...


بتكوا مستهدف من ايران ليه يا دوك
انتوا من مجاهدي خلق ولا ايه ؟
:)

و يا عم السياسة ما فيش احسن منها

بس ايه ده ؟؟
أخيرا حد عبرني ورد عليا في الموضوع ده

Ahmed Al-Sabbagh said...

ياباشا الموضوع ده جامد جدا
بس انا ما كنتش اعرف مدونتك والله
والمدونة كلها حلوة اوى

وبعدين الراجل المستهدف ده خليه بعيد عنا احسن انا بخاف من الحاجات دى
وده شكلة راجل مهم
وممكن يكون دسيسة كمان
ههههههههههه




تحياتى

Anonymous said...

topic09, [url=http://www.chop.edu/forum/user/profile/8207.page]klonopin no prescription[/url], :-( ewy, http://www.chop.edu/forum/user/profile/8207.page order klonopin no prescription :-(, [url=http://www.chop.edu/forum/user/profile/8208.page]cheap xanax 2mg[/url], :-( btu, http://www.chop.edu/forum/user/profile/8208.page xanax 2mg online :-), [url=http://forum.cprs.ca/default.aspx?g=posts&m=6]order adipex[/url], ;-( ckv, http://forum.cprs.ca/default.aspx?g=posts&m=6 order adipex online *sorry*, [url=http://forum.cprs.ca/default.aspx?g=posts&m=7]buy alprazolam no prescription[/url], :-( imc, http://forum.cprs.ca/default.aspx?g=posts&m=7 cheap alprazolam :-), [url=http://forum.cprs.ca/default.aspx?g=posts&m=8]ambien no prescription[/url], :-) gvn, http://forum.cprs.ca/default.aspx?g=posts&m=8 buy ambien without prescription *sorry*

Anonymous said...

Hello! Can you tell me how i can register mail at google [url=http://google.com]google[/url] http://google.com