Friday, October 5, 2007

أفتح يا وليد .. ده رئيس الوزرااا


افتح يا وليد
افتح يا وليد ده رئيس الوزاا
يا ولاااااد ال .....

قالها ضابط الشرطة العسكرية اللي كان واقف جنبي ( أو اللي كنت واقف جنبه )في جهاز اللاسلكي وانا واقف بتفرج علي الجنازة اللي كانت في مسجد القوات المسلحة انهارده


And here is the rest of it.

13 comments:

HOssam Sadik said...

ايه ده .. انا صليت فى الجنازه ديه النهارده .. انا بصلى الجمعة هناك كل أسبوع .. عاطف عبيد كان قاعد فى اخر المسجد وحالته كرب .. كان هاين عليا الملوا فلوس :D

بس الحق يقال ماهر أباظه - اللى كنا بنصلى عليه- كان من الرجال المحترمين فى البلد .. انا ماعرفتش انه مات غير لما لقيت الدنيا مقلوبة فى المسجد.

قليل من التفكير said...


حسام أهلا بك

بصراحة مشوفتش عاطف عبيد
بس انت تقصد بايه ان حالته كرب
باين عليه التقدم في السن يعني ولا ايه


أنا لما رحت وقعدت لقيت جنبي عمر سليمان
عرفته مع اني مبشفهوش علي التليفزيون كتير ... بس وشه مميز جدا

وطبعا شفت المشير اللي يعتبر اكتر واحد من الكبار بنشوفه في المسجد ده

yomna said...

انا بقالى كام يوم مبقراش الجرايد و لا بتفرج على التلفزيون...بس كام يوم يحصل فيهم كل ده

هو مين اللي مات و ايه اللي حصل

5 ايام بالظبط رئيس وزرا يموت...طيب كنتوا تقولوللي و انا اقاطعهم شهر بحاله يمكن اللي في بالي ربنا يكرمه

احم احم...طبعا انت عارف مين اللي في بالي...اونكل وائل البواب...اصله باقله كام سنة كابس على نفسنا لحد مقربت اتخنق خلاص

ماعلينا ماعلينا
البقاء لله و منجلكوش في حاجة وحشة ابدا

قليل من التفكير said...


يمني أهلا وسهلا بيكي

يا ستي اللي مات هوا ماهر أباظة وزير الكهرباء الاسبق .

أما بخصوص الفكرة بتاعة حضرتك المذكورة اعلاه .. أعتقدش انها هتنفع مع عمنا .
فالاحسن ماتحرميش نفسك من الفرجة علي التليفزيون ولا من قراءة الجرايد
( بس هوا لسه فيه حد في مصر لسه بيقرأ جرايد من كتر مبشوف الناس متلمه حول بياع الجرايد من غير ميشتروا حاجة )

:)

dr_drsh said...

ماشاء الله , باين عليك وصلت ياض , ايه الجنازات العلليوي ديه, متشوفلنا وزير الصحة يشوفلنا شغلانه بدل العطلة اللي احنا عيشين فيها ديه.

قليل من التفكير said...


البرنس الكبير مصطفي باشا

وسمعنا السلام الجمهوري لدولة الكويت الشقيقة

وردا علي الطلب المرسل

فنحيط سيادتكم العلم انه سوف يرفع الطلب الي أعلي الجهات المختصة حتي يأخذ مساره الطبيعي
:)

Dr.Mohammed Gohary said...

عادي يعني ماهو ده الطبيعي


علي الهامش
بعدي عليك ايه ومواضيعك مظبطها ردود اياك بس ما تقطعش بينا بقا وتبقي تحدفنا بكام كومينت كل شوية

osama said...

هههههههههههههههههه ....يمكن رئيس الوزرا ممنوع يدخل لإجراءات امنية ... بس كان لازم يدخل لأن أولائك ما كان لهم ان يدخلوها الا خائفين....

ويمكن احد اذيالهم يعتبر ويعود لوعية ...

خالص التحية

قليل من التفكير said...


محمد الجوهري

أهلا بيك دايما

أن شاء الله مش هقطع
بس احتياطا خلي معاك أبرة وخيط دايما


:)


أسامة

أهلا وسهلا


لا الحوار مش زي ماأنت فاهم

هوا نظيف بعد ما مشي كام متر كده في الجنازة زي تقريبا ما البروتوكول ما بييقول ... ركب العربية و خلاص ماشي .... ام الضابط لاحظ ان البتاع الحديد اللي محطوط علي المدخل لشارع الفنجري عشان مفيش عربية تدخل لسه موجود ...
فقعد يقول يا وليييييد افتح لرئيس الوزراا ...
بصراحة المشهد كان يدل علي ان النظام بتاعنا مدهول علي عينه في كل حاجة

عايش ولكن said...

مستغربه اوى كده ليه
دى بقت حاجه عاديه جداااااا

Ahmed Al-Sabbagh said...

هههههه
البقاء لله
بس بمناسبة مواكب الناس المهمين
انا بقى شوفت بقى موكب الريس مرتين وانتو لأه

واتشليت لوحدى هييييه هييييه
مرة فى شارع الهرم من كام سنة

ومرة السنة دى قدام فندق عروبة مصر الجديدة

ها ايه بقى موضوع الجنازة دى
وازاى يا جدع انت ما تروح لوحدك ما تعزمنيش


تحياتى

قليل من التفكير said...


أحمد الصباغ

لا يا عم الحج

أنا كمان شوت موكبه كام مرة

الموكب في مرة منهم العربيات فضلت تعدي أمامي بتاع 4 دقايق عبال ما عدووو

شوف بقي يبقوا كام عربية

وموضوع الجنازة انها كانت لماهر أباظة بتاع الكهرا السابق

ويا سيدي متزعلش ... المرة الجايه هديك الو عشان تيجي

سلامي لك

Ahmed Al-Sabbagh said...

محمممممممممممد


عايزين جديييييييييييد