عيد الحب او الفالنتيين بالنسبالي المناسبة السنوية الاهم للناس التافهة والعالم الفاضية انهم ينففعوا محلات الهدايا
عيد الحب بالنسبالي هوا أكتر يوم هتشوف فيه طلبة الثانوي اللي مزوغيين من المدرسة وكل عيل ماشي وهوا ماسك أيد البت بتاعته (أو ما تسمي الموززة في مصطلحات الافلام المصرية الهابطة).
عيد الحب بالنسبالي أكتر يوم في السنة اللي هتسمع فيه جمل كتير من نظير .. أنا رايح أقابل صاحبتي انهارده .. أنا هروح أجيب هدية للبت بتاعتي .. الي أخره .
عشان كده عيد الحب أعتبره عيد التفاهة بجدارة .
غير كده لو بصيينا من الناحية الشرعية فيه حديث نبوي يقول :
عن النبي صلى الله عليه وسلم قال : ( لتتبعن سنن من كان قبلكم شبرا بشبر وذراعا بذراع حتى لو دخلوا جحر ضب تبعتموهم ، قلنا يا رسول الله: اليهود والنصارى ، قال : فمن؟ ). ا
أعتقد الحديث الشريف مينفعش الواحد يقول بعديه حاجة تانية لانه كافي جدا
عيد الحب بالنسبالي هوا أكتر يوم هتشوف فيه طلبة الثانوي اللي مزوغيين من المدرسة وكل عيل ماشي وهوا ماسك أيد البت بتاعته (أو ما تسمي الموززة في مصطلحات الافلام المصرية الهابطة).
عيد الحب بالنسبالي أكتر يوم في السنة اللي هتسمع فيه جمل كتير من نظير .. أنا رايح أقابل صاحبتي انهارده .. أنا هروح أجيب هدية للبت بتاعتي .. الي أخره .
عشان كده عيد الحب أعتبره عيد التفاهة بجدارة .
غير كده لو بصيينا من الناحية الشرعية فيه حديث نبوي يقول :
عن النبي صلى الله عليه وسلم قال : ( لتتبعن سنن من كان قبلكم شبرا بشبر وذراعا بذراع حتى لو دخلوا جحر ضب تبعتموهم ، قلنا يا رسول الله: اليهود والنصارى ، قال : فمن؟ ). ا
أعتقد الحديث الشريف مينفعش الواحد يقول بعديه حاجة تانية لانه كافي جدا
Posts
12 comments:
معاك ان في تفاهات كتير قوي بتحصل في اليوم دة
بس ماتنكرش ان فيها كمان فرص ان الناس تود بعضها بالهدايا
تهادوا تحابوا
وبعدين فيها يه لما واحد يجيب لزوجته هدية ولا واحدة تجيب لخطيبها هدية
الدنيا ما خربتش ولا حاجة
مش ضد الاسلام يعني في شيء
هو علشان بعض الممارسات الخاطئة يبقى نعمم ان الموضوع دة حرااام
معقول الكلام دة؟
اسمح لي
انا مش متفق معاك
بص لنص الكوباية المليان
تحياتي واحتراماتي
أحمد سمير
أهلا بك في المدونة
أولا لا أعتقد علي الاطلاق ان من مظاهر ما يسمي بعيد الحب ؟أن الناس بتود بعض أو بتهادي بعض
أنا بصراحة عن نفسي مشفتش حاجة زي كده
ولو فرض وكان فيه مظاهر كويسه بتحصل في اليوم ده طب ليه نخليها مخصوصة بيوم معين في السنة
لا ومش كده بس .. داحنا نخللي اليوم ده يوم أحتفال أو يوم عيد عند غير المسلميين.
ليه متكونش في كل يوم
ليه مش كل فترة كل واحد وهوا راجع بيته مثلا يجيب لزوجته هدية بسيطة رمزية كتعبير عن حبه لها.. لو كان ده فعلا سبب أن ناس مهتمة باليوم ده .
ليه سعات بحس ان الناس بتحاول تقنع نفسه بحجات بالعافية.
يعني زي ما حضرتك بتقول اللي يحتفل باليوم ده بيقول تهادوا تحابوا.
ماشي فعلا الرسول عليه الصلاة والسلام قال كده .. بس ما أعتقدش أنه قال كده عشان المسلمين لما ييجوا يطبقوا ده يطبقوه في يوم عيد أساسا دخيل علي المسلمين ومختلف في أصله هل من الاغريق والهتهم الوثنيية ولا من المسيحيين ونقول يا عم الحج ما أحنا بنطبق كلام النبي اهوا سيبنا في حالنا بقي .
غير كده كمان ما أحنا بالمنطق ده نقوم ناقليين كل الاعياد الغربية عندنا ونحتفل بيها معاهم ونقول سيبوا الناس تفرح شويه وتهادي بعض .
أتمني أكون وضحت وجهة نظري
تحياتي لك
معاك حق فيما قلته هناك اشياء كثيرة نقلدها من الغرب بدون تفكير
والمفروض ان احنا منقلدش حد لان عندنا اعيادنا الاسلامية كعيد الفطر والاضحي
ولكن للاسف وسائل الاعلام من الاسباب التي ادت لنشر تلك التفاهات في مجتمعنا
والله يا محمد انا مبحبش اتكلم في النقطه الدينيه لاني انا نفسي مختلف مع نفسي لكن انا بتفق معاك في نقطة ان ( اشمعنا اليوم ده ) ليه مش كل يوم , ليه مايبقاش ده حاجه طبيعيه ليه بس بنقرر ونحدد لنفسنا حاجات او (غيرنا بيحددهالنا)
لمجرد اننا بطلنا كل واحد يعيش حياته زي ما بيشوفها
( ارجو ان النقطه تكون وصلت)
ثانيا بالنسبه لحتة حرام
بصراحه مظنش
ممكن فيه ناس فاهمه العيد غلط وعلي اساس ده بتتصرف تصرفات خارجه عن الاسلام وده طبعا غلط لكن زي ما قال احمد سمير مش معني كده اننا نعمم الموضوع .
يا باشا سيب الناس تفرح و تفك و لو أن غالبيه الللي بيحتفلوا باليوم ده مبسوطين أساسا
:)
ربنا يزيدهم و اللهم ما لا حسد
تحياتي
والله عندك حق
ناس تافهة تافهة...اشمعنى اليوم ده بالذات اللي يحتفلوا فيه معندهم باقي السنة...والدليل على ان الناس التافهة هي اللي بتحتفل بيه ان المتجوزين مبتفرقش معاهم عيد حب ولا غير عيد حب...لو هما ناس كويسة هتلاقيهم بيجيبوا لبعض هدايا على طول اما بقى لو نكد فولا مليون فلانتين ياثر فيهم...
من الاخر كده...الواحد الكويس اللي من رقته بيعبر للناس عن حبه مش مستني اليوم ده بالذات عشان يعمل كده...الا بقى لو كان غاوي منظرة عشان يمشي بهدية حمرا في الشارع والناس تفضل تنق عليه وتقول ياترى شكلها ايه...الهدية طبعا مش حاجة تانية
وكل عيد حب والشعب بخير
انا من وجهه نظرى ان المناسبه فى حد اتها جميله والهدف منها اجمل من تجديد اواصل المحبه والموده بين المحبين .....
وممكن علشان نبعد عن ارتكاب المعصيه من جهه التشبه بالغرب ممكن فعلا نهادى بعض بعدها او قبلها فى اى يوم ونخصص لنفسنا يوم خاص بينا اعتقد ها تبقى احلى ........
بوركت اخى الفاضل
أيمن
فعلا وشائل الاعلام في أوقات كتير بتنقللنا التفاهات بدل الاشياء المفيدة
تحياتي لك
Zika
يا ياشا أنا قرأت تدوينتك عن الموضوع ده وعجبتني قوي وكلامك مقنع جدا
تحياتي لك
مايكل
ما أحنا لو كل شوية أحتفلنا بعيد أو مناسبة من بره وعملنا هاصة وزمبليطة عشان الناس تفرح يبقي الدنيا
هتخرب
منور المدونة دايما وتحياتي لك
yomna
كلامك صح .. فعلا الانسان الكويس مش محتاج مناسبة معينة عشان يعبر عن محبته للناس اللي بيحبهم
تحياتي
رمـــوز الحيـــاه
حضرتك برضة كده هنخللي يوم معين لمناسبة أساسا المفروض أنها كل يوم ... حتي لو خليناه يوم تاني غير يوم الفالنتين ..
تحياتي
أنا لا بعترف لا بعيد حب ولا أم ولا حتى عيد ميلادي..
بس لا أكفر من يحتفلون به..
يعني كل واحد وعقله..
تحياتي
وأنا مثلك لا أعترف بعيد من هذه الأعياد
وصراحة لم أسمع بشيخ أو عالم أو فقيه بأحد يكفر من يحتفل بها
.
Post a Comment